Rt 4:5 - Chuj San Sebastian Bible

⁵ Xlajw cha, 'ix yaln pax win Booz tas wal yel'chi: —A ticnec jun, toto tza mancn 'ec' lum slum 'ix Noemí cha, yowlal tzej 'ix Rut 'aj Moab, 'ix yistzil can win Mahlón, sec wach' 'oj b'inaxcn̈ej sb'i win yichmil 'ix chi chamnc chi 'a lu'um, xchi win Booz cha.

Chuj San Mateo Bible

⁵ Ix lajvi chi' ix yalan vin̈aj Booz chi' tas yaji: —A ticnaic jun, tato tza mancanel lum d'a ix Noemí chi', yovalil tzic' ix Rut aj Moab, ix yetb'eyumcan vin̈ xilb'a Mahlón, yic vach' ol b'inajcan vin̈ yetb'eyum ix chi' d'a luum, xchi vin̈.

Rt 4:5 Iomraidhean Croise

Gn 38:8

Yuj cha, xyaln Judá 'a win Onán 'ixtic: —'Ij a b'a yet' 'unx yistzil win o'tac 'ix cham tic, sec tza yiclj pax qui leyal, to yowlal tzej a b'a yet' 'unx a mu tic, sec ach 'oj ac' junc 'unn 'icha to yunnal win o'tac chi tz'aji, xchi winac.

Mt 22:24

—Ach qui Cuymal on̈, a win Moisés a tz'ib'jnac can 'ixtic: Q'uinloc 'ay junc winc tzchami, tzcan yistzil, palta may junc yunnal tz'elcni. To 'ixta', ax junc yu'tac, yowlal a tz'i'n can pax 'ix, sec wach' toto tz'alj yunnal win yet' 'ix, 'icha to yunnal win chamnc cha. 'Ixta yaj yaln can win Moisés.

Lc 20:28

Ach qui Cuymal on̈, a win Moisés tz'ib'jnac can 'ixtic: Q'uinloc 'ay junc winc tzchami, tzcan yistzil, palta may junc yunnal tz'elcni. To 'ixta', ax junc yu'tac, yowlal a tz'i'n can pax 'ix 'ix cha, sec wach' ax yic tz'alj yunnal junc win cha, 'icha to yunnal win xcham cha. 'Ixta yaj yaln can win Moisés.

Dt 25:7

Palta toto a win winc chi matz yal sc'ojl tzyij 'ix smu cha, tztac' s'at 'ix 'at yal 'a eb' yichm wincal chon̈ab'. Tzyaln 'ix 'ixtic: A win in mu tic, matz yal sc'ojl win tzb'inax yu'tac 'a scal eb' quit chon̈b'ec; matz nib'j win tzwij in b'a yet'oc, 'icha yaln sleyal, xchi cab' 'ix.