Rt 3:15 - Chuj San Sebastian Bible

¹⁵ 'Ix yaln win 'a 'ix: —'Ij 'el a potil, tza pixn syam sb'a sn̈i', xchi winac. Ya' sb'a yamb'il sn̈i spotl 'ix chi yu'uj, 'ix secn 'ejm win 'ixm cebada 'a yojol, jab'xoj am may waque'oc 'almu 'ixim. Xlajw cha, st'un̈n can 'at win 'a sjolm squelb' 'ix, 'ix pax 'ix 'a yol chon̈b' yet'oc.

Chuj San Mateo Bible

¹⁵ Ix yalan vin̈ d'a ix icha tic: —Iq'uel a xotil chi', tza pixan sn̈i' c'apac, xchi vin̈ d'a ix. Ayic yamb'il sn̈i' c'apac xotil ix chi' yuuj, ix secanem ixim cebada vin̈ d'a yool, ay am vaqueoc almul ixim ix yaq'uem vin̈. Ix schelanq'ue vin̈ d'a sjolom sjen̈jab' ix, ix yic'anb'at ixim ix d'a chon̈ab' chi'.

Rt 3:15 Iomraidhean Croise

Is 32:8

Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

Rt 3:14

Xlajw cha, 'ix way 'ix Rut 'a yoctc win Booz 'a jun 'ac'wl cha. Caw wal 'ayt sacb'i 'ix q'ue wan 'ix, yujto 'ix yal winac, to may cab' mach tz'ilni, toto xit'c 'ix wayc 'a 'aj tzmunlj win cha.

Rt 3:16

Ax yic xc'ochx 'ix 'a 'ix yalb' cha, sc'anb'n 'ix yalb' 'ix chi 'a 'a: —¿Tas xchi jac jun walib'? xchi 'ix. 'Ix yaln 'ix Rut yuj smasnil tas 'ix yal win Booz: