Rt 3:13 - Chuj San Sebastian Bible

¹³ Cann̈ 'a tic 'a jun 'ac'wl tic. At q'ui'n 'oj wila', toto 'oj yal sc'ojl win chi ach yi'n 'icha yaln sleyal, to 'ixta', caw wach' b'i'an; palta toto matz yal sc'ojl winac, tzwac' in ti 'a yojltac Jehová ach wi'ni. Wayn̈ ticnec, at tzsacb'eli, tzach 'ati, xchi winac.

Chuj San Mateo Bible

¹³ Canan̈ d'a tic d'a jun ac'val tic. Ato q'uic'an svala', tato scha sc'ol vin̈ chi' ach yic'an icha sleyal. Tato icha chi', vach' toni. Tato man̈ ol yal sc'ol vin̈ jun, svac' in ti' d'a yichan̈ Jehová ach vic'ani. Vayan̈ ticnaic, axo yic ol sacb'oc, ol ach paxoc, xchi vin̈.

Rt 3:13 Iomraidhean Croise

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

A Ch'an̈ Carta D'a Eb' Hebreo 6:16

A yic tzqui locnec sb'i junc xo mach, cojn junc mach yel xo niwn yel'ch 'a quib'n̈ tzqui loc sb'i. A yic tzcalnec junc tas caw yel, tzqui loc sb'i junc xo mach, sec may mach tztac' sten sb'a quet'ec.

Jueces 8:19

—A ewin cha, wu'tac ewinac, junn̈j in nun yet' eb'. 'A sat Jehová tzwalni, comnoc ma'ix e mil ewinac, an̈jtona 'in, matz ex in mil chamoc, xchi Gedeón 'a eb'.

Rt 2:20

'Ix yaln pax 'ix Noemí: —Ya' cab' Jehová syaxilal 'a yib'n̈ jun winc cha, yujto caw wal wach' xyutj snab'en 'ayon̈, 'ixtnta pax yutjnac snab'en 'a win wichmil chamnac. A jun winc cha, 'ayt cuj qui b'a yet'oc, yuj cha, to 'ay yaln yic on̈ scolni, xchi 'ix.

Rt 3:12

Wal yel 'ayt wuj in b'a et'oc, palta 'ayt junx win caw wal 'ayt oj a b'a yet' 'a wib'n̈ an tic.

Rt 4:5

Xlajw cha, 'ix yaln pax win Booz tas wal yel'chi: —A ticnec jun, toto tza mancn 'ec' lum slum 'ix Noemí cha, yowlal tzej 'ix Rut 'aj Moab, 'ix yistzil can win Mahlón, sec wach' 'oj b'inaxcn̈ej sb'i win yichmil 'ix chi chamnc chi 'a lu'um, xchi win Booz cha.

Rt 4:6

Ax yic xyab'n winac to 'ixta yaji, 'ix yaln winac: —Toto 'ixta yaj jun cha, ma'oj stac' in mann lu'um, xjuwt 'el in macl tic yu'uj. Palta toto tza nib'j tza mancn lum ach tic, tztac' tza mancni. An tzwac' 'ayach, xchi winac.