Rt 2:6 - Chuj San Sebastian Bible

⁶ 'Ix ta'w win mayltoma cha: —Atn 'ix 'aj Moab ajun yet' 'ix Noemí.

Chuj San Mateo Bible

⁶ Ix tac'vi vin̈: —Aton jun ix aj Moab ix javi yed' ix Noemí.

Rt 2:6 Iomraidhean Croise

Gn 15:2

'Ix ta'w Abram 'ixtic: —Ach Wajlil Jehová, ¿tas wal yopiso jun spac chi wu'uj? Ojc wal si'mb'il to may xon junc wunnal 'ix ac' 'a yic tzyica'an tas 'ay 'ayin. Yuj cha, a mach 'oj 'ica'anc can tas 'ay 'ayin, atn win in checb' Eliezer 'aj Damasco, xchi.

Gn 24:2

'Ay jun c'u 'ix yawtj cot jun schecb' caw 'ichm xo, win 'aych yilmalc smasnil tas 'ay 'a 'a, 'ix yaln 'a 'ixtic: —'A'ch a c'ab' 'a yaln̈ in xub' tic,

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Mt 20:8

Ax 'a sq'uic'b'alil, xyaln win 'aj munljel chi 'ixtc 'a jun scaporal: 'Awtj cot eb' in majn cha, tza'n stojl eb'. A eb' slajb' xo x'och munljel, a eb' tza b'ab'l 'a'j stojol. Ax eb' xb'ab'l 'ochi, slajb' xo tzac' stojl eb', xchi winac.

Mt 24:45

Q'uinloc 'ay junc win patron̈ yet' eb' smoso. A eb' yiclum, eb' 'ay snab'en, atn eb' 'oj ya'ch win yopiso ya'n cuenta yatut, yet' smasnil tas 'ay 'a 'a. ¿Palta mach eb' yiclum chi tze na'a?

Rt 1:16

'Ix ta'w 'ix Rut 'a 'ix 'ixtic: —Man̈ ach tewc 'och 'ayin, yic tzach wactn cani. Tzann̈j 'aj 'oj a 'ati, 'oj in 'atn̈j et'oc. A 'aj 'oj a c'och cajan, 'oj in can cajn et' ta'. A 'a chon̈ab', a 'oj 'och in chon̈b'oc, a 'a Diosal a pax 'oj 'och in Diosaloc.

Rt 1:19

Xlajw cha, 'ix cot eb' schawn̈il b'i'an, masnto xjaw eb' 'a Belén. A yic xjaw eb' 'a jun chon̈b' cha, smasnil eb' 'anma 'ayc' ta', caw 'ix sat sc'ojl eb' yiln eb'. 'Ix yaln eb' 'ix 'ix 'ayc' ta': —¿Man̈oc am 'ix Noemí tzjaw tic? xchi eb'.

Rt 1:22

'Ixtnta x'aj spaxt 'ix Noemí yet' 'ix yalib', atn 'ix Rut 'aj Moab. Spet eb' 'a yol yic Moab, 'ix jaw eb' 'a Belén. A yic wan yel yich spolx 'ixm cebada xjaw eb' ta'.

Rt 2:5

'Ix sc'anb'n win Booz 'a win smayltoma chi muc'uc: —¿Mach 'ay yic jun 'ix cob's cha? xchi.

Rt 2:7

Sc'an 'ix spermiso 'ayin yic tz'ec' si'noc chan̈ 'ix 'ixm sjolm tzlaj can yuj ewin munljum tic. At xo 'a sq'uin̈b'il xjaw 'ix, matz 'och wan 'ix smunlji, at wal sjaw 'ix 'iljoc tic, xchi winac.