Rt 2:23 - Chuj San Sebastian Bible

²³ An̈ja yec' 'ix Rut si'j sjolm cebada yet' eb' 'ix ya'mal servil win Booz, masnto yic xlajw spolx 'ixim yet' 'a yic xpolx 'ixm trigo, junn̈j to yaj 'ix Rut yet' 'ix yalb' cha.

Chuj San Mateo Bible

²³ Yuj chi' ix b'atn̈ej ix Rut yed' eb' ix schecab' vin̈aj Booz chi', masanto ix lajvi sjochchaj ixim cebada yed' ixim trigo. Ayn̈ejec' ix Rut yed' ix yalib' chi'.

Rt 2:23 Iomraidhean Croise

Ex 9:31

A yic xlajw spaxtin Moisés yet' win rey cha, 'ix 'elt 'a sti 'elt chon̈b' cha, smojnq'ue sc'ab' 'a satcha'an̈, 'ix leslwi 'a Jehová. Yajn̈j wal cha, 'ix 'och wan q'uen sacb'at, 'ix 'och wan yem n̈ab', xyactn sma'n sb'a c'u. A smasnil te lino 'ayx snich yet' 'ixm cebada 'ayx sat, c'uxn 'ix lajw jun tzo'n̈ cha; ax 'ixm trigo yet' te centeno, may wal tas 'ix 'i'ni, yujto tza'n to tz'el-l jun tzo'n̈ cha.

Pr 13:1

A eb' 'unnab'il wach' snab'en, tzchaj eb' yab' tennb'il tzyal smam 'a 'a; ax eb' tzyij chan̈ sb'a, matz chaj eb' yab'i'.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Mr 14:66

Ax Pedro 'ayt 'ec' 'a yamq'uil jun n̈a cha, 'ix c'och jun 'ix ya'mal servil win sat ya'mal 'och sti eb' israel 'a Dios.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

Dt 16:9

A yic tz'el yich e poln e trigo, ata tzeyij 'el yich e b'isn uque seman.

Rt 1:22

'Ixtnta x'aj spaxt 'ix Noemí yet' 'ix yalib', atn 'ix Rut 'aj Moab. Spet eb' 'a yol yic Moab, 'ix jaw eb' 'a Belén. A yic wan yel yich spolx 'ixm cebada xjaw eb' ta'.

Rt 2:22

Yuj cha, 'ix ta'w 'ix Noemí 'a 'ix yalb' chi 'ixtic: —Ach walib', caw wal wach' tzwab'i, toto an̈j yet' eb' 'ix ya'mal servil win tzach 'eq'ui. Man̈ ach 'at 'a junc xo mach 'ay smunljel, sec wach' may junc mach tzach tzuntzni, xchi 'ix.

Rt 3:1

Xlajw cha, 'ix yaln 'ix Noemí 'ixtc 'a 'ix Rut cha: —Ach walib', tecn 'oj in say junc echmil, sec 'oj ec' a tzaljc'ojlal 'a 'a.