Rt 2:13 - Chuj San Sebastian Bible

¹³ Xlajw cha, 'ix ta'w 'ix 'a winac: —Caw wach' a nab'en 'ayin. A jun tzo'n̈ a paxti tzal 'ayn tic, caw tzjaw in tzaljc'ojlal yu'uj. Caw wach' a paxtin 'ayin, wach'xam man̈ in lajnoc yet' junc eb' 'ix a'mal servil tic, xchi 'ix Rut cha.

Chuj San Mateo Bible

¹³ Ix tac'vi ix icha tic: —Mamin, ste tzalaj in c'ool yuj tas tzal tic d'ayin, te vach' tzutej a c'ool d'ayin vach'chom man̈ in lajanoc yed' junoc eb' ix a checab' tic, xchi ix.

Rt 2:13 Iomraidhean Croise

Gn 32:6

Ax yic xc'ochx eb' schecb' cha, xyaln ewin 'a win Jacob 'ixtic: —Tox on̈ xit' 'a ni o'tac chi 'on̈, tic tzjaw ni wul ach scha', caw a 'oj wul ach chanoc, chan̈e ciente eb' winc ajun yet'oc, xchi ewin schecb' cha.

Gn 33:10

Palta ax win Jacob xyac' yip yaln 'a 'ixtic: —May wu'tac, toto wach'n 'a a sat, chaj smasnil jun tzo'n̈ siylab' tic tzwac' 'ayach, yujto a yic tzach wiln tic, 'icha wal to a qui Mam Dios tzwilchi, yujto wach' in otj in a chani.

Gn 33:15

—'Ixta cab' 'an, tztac' tzcan jaywn̈oc ewin in checb' tic colwjoc et'oc, xchi Esaú. Palta xyaln win Jacob 'ixtic: —Ma'ay, yuj wal dios 'ayach, may tas tza na wu'uj, xchi winac.

Gn 33:8

Sc'anb'n Esaú 'a win Jacob 'ixtic: —¿Tas tza nib'j tza b'o yet' jun tzo'n̈ no noc' xin chaj 'a yol b'e? xchi Esaú. —Ec yaj smasnil no noc' cha, sec wach' man̈x 'a tu nab'enal tza na 'a in patic, xchi.

Gn 34:3

Caw wal xcan snab'en win 'a 'ix, yuj cha, xpaxtin win 'a 'ix yet' schamc'ojlal.

Gn 43:14

A Dios tztac' yuj smasnil, a 'oj 'och 'a snab'en jun winc cha, ax ya'n 'elt ni eyu'tac Simeón, sec wach' 'oj 'aj pax smeltzj ni eyu'tac Benjamín tic eyet'oc. An xo pax an tic, wach'xam tzin can 'a man̈x 'a wunnal, xchi win Israel cha.

A Ch'an̈ Schab'l Libro Samuel 16:4

Yuj cha, 'ix yaln win rey chi 'ixtc 'a Siba: Smasnil tas yic win Mefi-bóset yaji, ax ticnec, ec tz'ajcni, xchi winac. Xta'w win Siba chi 'ixtc 'a win rey cha: —Yuj wal Dios 'aych mamin rey. A ticnec tzwojquej 'eli, to wach' a nab'en 'ayin, xchi.

Pr 15:33

A mach 'ay yel'ch Jehová 'a sat, caw tzq'uib' sjelnal; toto tznib'j to niwn yel'chi, yowlal 'emmquilal tzyutj sb'a b'ab'el.

Os 2:16

An Jehová in, an tzwala: To a 'a yic jun c'ul cha, a chon̈b' Israel 'oj in yalx sDiosaloc, ax 'a eb' yechl Baal cha, man̈x junc eb' 'oj yalch syajliloc.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

Jueces 19:3

'ix 'at win yichmil 'ix chi smontc pax jun 'ejm xo, sec tzcotx 'ix yet'oc. 'Ix yij 'at win jun schecab', yet' chawn̈ no b'uru, schaj 'ix sc'och win 'a yatut smam cha.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

Rt 2:14

A yic 'ix c'och yorail yoch wa'el, 'ix 'awtx cot 'ix wac yuj win Booz, 'ix yaln win 'ixtic: —Cotan̈, wan̈ quet'oc. Lab'j 'ejm junc a pan chi 'a scal vinagre tic, xchi winac. 'Ix 'em chotn 'ix 'a stz'ey ewin munljum cha, 'ix ya'n win Booz 'ixm cebada c'an yaj sb'olx 'a 'ix. 'Ix wa 'ix, masnto 'ix b'ut'j 'ix, palta xyac' sobra to tas tzc'ux 'ix cha.

A Ch'an̈ B'ab'el Libro Samuel 1:18

—Yuj wal dios 'ayach, xchi 'ix 'a winac. Xlajw xoj cha, 'ix pax 'ix 'a 'aj 'ay sposada cha, 'ix wa 'ix 'a tzaljc'ojlal, man̈x 'a scusc'ojlal 'ix.

A Ch'an̈ B'ab'el Libro Samuel 25:41

'Ix 'em n̈ojn 'ix yuj sch'oxn 'eli to niwn yel'ch David 'a 'a, 'ix yaln 'ixtic: —An tic, schecb' xon David chi waji, caw wal tzchaj in c'ojl in b'icn 'el yoc eb' schecab', xchi 'ix.