Rt 1:5 - Chuj San Sebastian Bible

⁵ ax x'aji, 'ix cham pax win Mahlón yet' win Quelión. 'Ixta 'ix 'aj 'ix Noemí scan sch'ocoj. Man̈x 'a junc yune 'ix, man̈x 'a pax yichmil 'ix.

Chuj San Mateo Bible

⁵ Axo ix aji, ix champax vin̈aj Mahlón yed' vin̈aj Quelión chi', yuj chi' ix can ix Noemí sch'ocoj, yujto ix cham eb' vin̈ yune' ix chi', ix champax vin̈ yetb'eyum ix.

Rt 1:5 Iomraidhean Croise

Is 49:21

Tznan 'ix 'ixtic: ¿Tas yaj jun tzo'n̈ 'unn tic? ¿Tom wic eb'? Tom tztac' yalj wune yic 'ac'tb'iln can in ch'ocj 'a junc chuc chon̈b'al? ¿Mach 'ix q'uib'tzan jun tzo'n̈ eb' tic jun? ¿'Ajtil xcot jun tzo'n̈ eb' tic? xchi 'ix. 'Icha 'ix 'ix cha, 'ixta aj ach Sión.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Lc 7:12

Ax yic wan sc'och eb' 'a jun chon̈b' cha, 'ix yiln eb' wan s'at jun xi'lb'a mucxoc yuj eb' 'anma chi ta'. Til wal eb' 'aj chon̈b' chi wan s'at yet'oc. A win xcham cha, yune jun 'ix chamnc yichmil, cojn jun c'otn̈ yune 'ix cha.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Rt 1:2

A jun winc cha, Elimelec sb'i, ax yistzil Noemí sb'i, 'a chawn̈ yunnal cha, jun tzcuch Mahlón, ax junx tzcuch Quelión. 'Aj Efrata eb', atn tzcuch pax Belén. 'Ix c'och cajn eb' 'a yol yic lum Moab, axta xcan eb' ta'.

Rt 1:4

'Ix b'ey tiempo, 'ix 'och yistzil ewin schawn̈il; a eb' 'ix 'aj Moab chi xyij ewinac. A sb'i jun 'ix, Orfa, ax junx 'ix, Rut sb'i 'ix. 'Ayxm slajn̈ilc ab'il ya'jc eb' ta',

Rt 1:6

Xlajw cha, 'ix yab'n 'ix Noemí yet' eb' 'ix yalb' 'a lum Moab, ax xyab'n eb' speclal to a Jehová tox 'ix 'o'ch sc'ojl 'a chon̈b' Israel; man̈x 'a wejl ta', 'ayx pax tas tzcuxxi.