Rt 1:21 - Chuj San Sebastian Bible

²¹ A yic in 'atcn 'a tic, til wal tas 'ay 'ayin, palta ax Jehová in 'a'n meltzjoc yic man̈x 'a jac tas 'ay 'ayin, yujto 'ixta 'ix 'el 'a sc'ojol. ¿Tas yuj tzat eyal Noemí 'ayin? Tox 'ix can 'a wib'n̈ wab'n syal yuj Jehová, atn jun tztac' yuj smasnil, xchi 'ix.

Chuj San Mateo Bible

²¹ Ayic ix in b'at d'a tic, man̈ jantacoc tas ay d'ayin, axo yic tzin meltzaj tic, man̈xalaj jab'oc. Icha chi' ix el d'a sc'ool Jehová sjavi d'a vib'an̈, ¿tasto val yuj tzeyal Noemí chi' d'ayin yujto toxo ix ja d'a vib'an̈ vab'an syail yuj Dios Syal Yuj Smasanil? xchi ix.

Rt 1:21 Iomraidhean Croise

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 10:17

Tza say am jun tzo'n̈ocx a testigo. Caw am tzniwtj scot owl 'ayn 'icha scot b'ulb'noc eb' soldado yac' owal.

Job 13:26

Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.

Job 16:8

'Icha to preso waj yu'uj. Til wal tas tzpitz chan̈ eb' 'anma yal 'a in patic, til wal 'es paxti tzlaj ya'ch eb' 'a wib'an̈.

Job 30:11

Palta ax ticnec, ya' sb'a to xyij 'el Dios sat 'ayin, xin ya'n can 'och 'a yailal, caw wal man̈x 'a xon jac wel'ch 'a sat eb'.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Rt 1:13

palta ¿tom 'oj e tan̈wc to sq'uib' eb'? ¿Tom yujn̈ej e tan̈wni eb', yuj cha man̈x 'oj eya'x 'och eyichmil? May ex walib', ma'oj stac' 'ixta'. An tic, wan wiln yailal 'ix ya' cot Jehová 'a wib'an̈, palta yel xo wal 'oj in cus eyu'uj, 'a yic 'oj wilnc eyab'n syal wet'oc, xchi 'ix.