Rt 1:14 - Chuj San Sebastian Bible

¹⁴ 'Ix 'oc' eb' 'ix jun 'ejm xo, xlajw cha, 'ix stz'ub'n can 'elt 'ix Orfa sti 'ix yalb' cha, xyaln can sb'a 'ix 'a 'ix. Ax 'ix Rut, xcancn 'ix yet' 'ix yalb' cha.

Chuj San Mateo Bible

¹⁴ Ix ochxi ijan eb' ix yoq'ui. Ix lajvi chi', axo ix Orfa ix tz'ub'ancanelta sti' ix, ix meltzaj ix. Axo pax ix Rut jun, ix cann̈ej ix yed' ix.

Rt 1:14 Iomraidhean Croise

Gn 31:28

Man̈xtoc xin tz'ub'cn 'elt sti eb' 'ix wisil yet' ewin wi'inchiquin. 'Icha to man̈x 'a jac a nab'en, yuj cha, 'ixta xotj a b'a.

Gn 31:55

Ax yic sacb'el 'a junx c'u, 'ix q'ue wan win Labán, stz'ub'n can 'elt sti eb' 'ix yisl cha, yet' eb' yixchiquin; xyaln can wach' paxti 'a yib'n̈ eb', 'ixta to b'i'an xmeltzj 'a slu'um.

A Ch'an̈ Schab'l Libro Samuel 19:39

Smasnil eb' ajun yet'oc, 'ix 'e't eb' 'a yojl a Jordán cha. A yic tox 'ix 'e't win rey, 'ix stz'ub'n can 'elt win sti win Barzilai, 'ix yaln can sb'a win 'a 'a. Xlajw cha, 'ix meltzj win Barzilai 'a yatut.

A Ch'an̈ B'ab'el Libro Yic Yab'ixal Eb' Rey 19:20

Yuj cha, 'ix yactn can Eliseo e no wacx cha, 'ix 'och tza'n yuj Elías, 'ix yaln 'ixtic: —'Ac' in permiso yic tz'at walcn in b'a 'a in mam in nun, tzin tz'ub'n can 'elt sti eb', tzlajw cha, tzin 'at et'oc, xchi. Xta'w Elías 'ixtc 'a 'a: —Tztac' tzach 'ati, palta tza na cot tas 'ix in b'o et'oc, xchi.

Pr 17:17

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

Pr 18:24

'Ay eb' caw niwn eb' swach'c'ojl yalni, ax yic tzjaw yailal 'a yib'n̈ eb', toc 'ay mach tzcoln eb'; palta 'ay pax eb' 'ay swach'c'ojol, yel xo wach' eb' 'a yib'n̈ eb' to yu'tac sb'a yet' eb'.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

Mt 19:22

A yic xyab'n win jun tzo'n̈ cha, caw cusc'ojlal xpax winac, yujto til wal tas 'ay 'a 'a.

A Tas Sc'ulejnac Eb' Schecab' Jesús Hechos 17:34

Palta 'ay jaywn̈ eb' xya'ch sc'ojl 'a Cristo. 'Ix 'och eb' yitb'eymoc Pablo cha. 'Ay jun win Dionisio sb'i, yit yajlil sb'a yet' eb' tzyam sb'a 'a Areópago. 'Ay pax jun 'ix Dámaris sb'i, yet' jun tzo'n̈ xo eb'.

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

Dt 4:4

Ax xo pax to te'n xeyutj e b'a 'a Jehová qui Diosalec, 'in pitzn ex ticnec.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

A Ch'an̈ Carta D'a Eb' Hebreo 10:39

Palta an̈ec tic, man̈oc on̈ec tzon̈ meltzj pax 'a qui patic, 'icha jun tzo'n̈ xo eb' tzmeltzji, ax satcn 'el eb' 'a jun 'ejmn̈ej. Yujto an̈ec tic, tzca'c 'och 'a qui c'ojol. Yuj cha, caw colchjnacn̈ec xo.

Rt 1:13

palta ¿tom 'oj e tan̈wc to sq'uib' eb'? ¿Tom yujn̈ej e tan̈wni eb', yuj cha man̈x 'oj eya'x 'och eyichmil? May ex walib', ma'oj stac' 'ixta'. An tic, wan wiln yailal 'ix ya' cot Jehová 'a wib'an̈, palta yel xo wal 'oj in cus eyu'uj, 'a yic 'oj wilnc eyab'n syal wet'oc, xchi 'ix.

Rt 1:15

Xlajw cha, 'ix yaln 'ix Noemí 'ixtc 'a 'ix Rut: 'Iltnab'an, a 'ix et 'alb'al-l tic, 'ix paxcn 'ix 'a schon̈ab', 'a 'aj 'ay jun tzo'n̈ sdiosal. 'Ixc can pax yet' 'ix ach tic, xchi 'ix.

Rt 1:7

Yuj cha, xya'n 'och 'ix 'a sc'ojl smeltzj 'a chon̈b' Judá. Ajun chawn̈ eb' 'ix yalb' 'ix chi yet'oc, yic 'ix 'elt 'ix 'a 'aj 'ayc' cha.

Rt 2:11

'Ix yaln win Booz 'a 'ix: —C'uxn xwab' smasnil tastc 'ix 'el a b'on yet' 'ix alib', yic tox 'ix cham win echmil. An̈jtona wojc paxi, to 'ix actjcan a mam a nun yet' a chon̈b' 'aj 'aljnac ach, yic tzach jaw cajn quet' 'a jun chon̈b' tic, jun to man̈ ojcoc xon 'a yictax pecti'.