Rt 1:1 - Chuj San Sebastian Bible

¹ A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'.

Chuj San Mateo Bible

¹ Ayic ayoch eb' juez yajalil d'a chon̈ab' Israel, ix javi jun nivan vejel d'a chon̈ab' chi'. A d'a jun tiempoal chi', ay jun vin̈ aj chon̈ab' Belén d'a yol yic Judá, ix b'at cajnaj vin̈ yed' ix yetb'eyum yed' chavan̈ yuninal d'a yol yic Moab yuj jun vejel chi'.

Rt 1:1 Iomraidhean Croise

Gn 12:10

Atn 'a yic jun tiempoal cha, ata 'ix jaw jun niwquil wejl 'a yib'n̈ smasnil 'anma 'a yol yic Canaán. Yuj cha, 'ix 'atx Abram, 'ix c'och cajn jun tiempoal 'a Egipto.

Gn 26:1

A 'a yic jun tiempoal cha, 'ix jaw jun niwquil wejl 'a jun lugar cha, 'icha ya'jnac 'a stiempoal win Abraham. Yuj cha, x'atcn Isaac 'a yol yic Gerar, 'a 'aj 'ayc' win Abimelec sreyl eb' filisteo.

Gn 43:1

Caw an̈j 'ijnoc 'ay wejl 'a yol schon̈b' ewinac.

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

A Ch'an̈ B'ab'el Libro Yic Yab'ixal Eb' Rey 18:2

Yuj cha, 'ix 'at Elías sch'ox sb'a 'a win Acab cha. A 'a Samaria, caw wal 'ay wejl si'mb'il.

1 Cr 2:51

yet' Salma, atn smam 'ichm eb' 'aj Belén, yet' Haref, atn smam 'ichm eb' 'aj Bet-gader.

1 Cr 2:54

Ax eb' yin̈tl Salma, atn eb' 'aj chon̈b' Belén, eb' netofatita, eb' 'aj Atrot-bet-joab, yet' pax spacl xo eb' manahetita, eb' zoreíta,

Salmos 105:16

'Ix ya'n jawc wejl 'a yib'n̈ lum lum cha, c'uxn 'ix yac' sat 'ejm tas tzc'ux eb'.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Jeremías 14:1

Yuj wal jun niwquil man̈ a'il, yuj cha, 'ix paxtin Jehová 'ayn an Jeremías in tic, 'ix yaln 'ixtic:

Ez 14:13

Ach 'anma', a yic tz'och smul junc chon̈b'al 'anma 'ayin, tz'och jun chon̈b' chi tenmtacl 'ayin, an xo 'oj wac' jawc yailal 'a yib'n̈ jun chon̈b' cha. Man̈x 'oj yac' lum lum sb'a'al, ax sjaw wejl 'a jun chon̈b' cha, 'ixta 'oj 'aj scham eb' 'anma', yet' no noc'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Lv 26:19

'Oj wac' lajwc 'ejm e b'an̈quintaquil. Ma'oj wa' cot n̈ab' 'a satcha'an̈, man̈x 'oj yac' lum lum sb'a'al.

Am 4:6

An Jehová in, an tzwala, to an xwac' eyab' syal wejl 'a smasnil yol e chon̈b' tic, palta man̈ yujoc cha, ex meltzj cot paxt 'ayin.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Dt 28:38

Til wal tas 'oj eyawoc, palta jab' wal tas 'oj e molo', yujto an̈j e no c'ulb' 'ay 'a sat lum lum chi 'oj c'uxnc 'ejmi.

Jueces 12:8

Xlajw ye'cn win Jefté, ax win Ibzán 'aj Belén, a win 'ix 'ochx yajlil 'a scal eb' yit israelal.

Jueces 17:7

A 'a chon̈b' Belén 'a yol yic Judá, ata cajn jun quelm levita, ula yaj 'a yol yic Judá.

Jueces 17:8

A jun quelm cha, 'ix 'el 'a yol yic Belén, yic tz'at saynoc 'aj tzc'och cajan. 'Ix 'ec' 'a lum jolmctac witz 'a yol yic Efraín. Xlajw cha, 'ix c'och 'a yatut win Micaía.