Ro 2:1 - Chuj San Sebastian Bible

¹ Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

Chuj San Mateo Bible

¹ A junoc on̈ sco ch'olb'itej yaj junoc quetanimail, max yal-laj calani to malaj co mul. Yuj chi' ayic sco ch'olb'itan junocxo, van quic'ancot yaelal d'a quib'an̈. Yujto van co ch'olb'itan tas yaji, palta lajan van co c'ulan yed'oc.

Ro 2:1 Iomraidhean Croise

Lc 12:14

—Ach winac, ¿tom 'ay mach 'ix 'a'n wopiso woch juezal 'ayex, yic tzex in b'onyaji? xchi 'a winac.

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.

Lc 6:37

Man̈ e b'eyc'ojloc junc xo mach, toto 'ixta', ma'oj ex sb'eyc'ojloc Dios. Man̈ e comn aloc, to 'ay smul junc xo mach, toto 'ixta', ma'oj yal Dios to 'ay e mul jun xo. 'A'cn̈ej niwnc'ojlal, toto 'ixta', 'oj ex ya'n̈j pax niwnc'ojlal Dios jun xo.

Ro 14:22

Yujto 'aych qui c'ojlec 'a Dios, yuj cha, tznachj 'el cujec, to may junc tas 'ay yowlal yu'uj. Palta mun tzqui nac jun tzo'n̈ tic 'a sat Dios. A jun tzo'n̈ tas tzqui b'o'ec, toto cojtac may yowlal yuj Dios, caw wach' quiquec.

Ro 2:2

Palta cojquec, tzann̈j mach 'ixta tzyutj sb'a, a Dios 'oj b'eyc'ojlanc 'a yel, ax ya'n 'och 'a yib'an̈.

Ro 2:3

Ax xo, toto tze b'eyc'ojlej eb' tzb'on maysch'olnil, ¿tom tze na'a, to 'oj stac' e coln 'el e b'a 'a jun yailal 'oj yac' Dios? Yujto 'in 'ixta tzlaj eyutc e b'a jun xo.

Ro 3:9

¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

1 Co 7:16

Yujto ax 'istlab'il ex, man̈ eyojcoc, toq'ue 'oj colchjoc 'el eyichmil cha, yujn̈ej to tzcan eyet'oc. An̈jtona', 'ixta pax ex 'ichmilab'il ex, man̈ eyojcoc, toq'ue 'oj colchjoc 'el eyistl cha, yujn̈ej tzcan eyet' jun xo.

Santiago 2:20

Palta 'ayex 'icha wal to may e nab'en, nachj cab' 'el jun tzo'n̈ tic eyu'uj. Toto tzcob' cala to 'aych qui c'ojl 'a Dios, palta man̈ wach'c tzcutj qui b'a, toxn may yel'chi, may qui colnb'il yu'uj.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.