Pr 7:27 - Chuj San Sebastian Bible

²⁷ Toto tzach 'at 'a jun b'e tzc'och 'a yatut 'ix cha, 'icha to wan a 'atcn 'a jun b'e yic chamel.

Chuj San Mateo Bible

²⁷ Tato tzach b'at d'a sb'eal spat eb' ix ix icha chi', van a b'atcan d'a sb'eal chamel.

Pr 7:27 Iomraidhean Croise

Pr 5:5

Toto jun tzach 'ec' yet' 'ix, 'oj ach yi't 'ix 'a chamel; a jun sb'e 'ix cha, tojl sc'och 'a chaml cha.

Pr 7:8

A yic yemc'ul xo, yic wan sq'uic'b' cha'an̈, 'ix 'e'ch win 'a jun 'isquinyo. 'Ix sc'axptan 'ec' jun caye tz'ec' 'a stojlal 'aj 'ay yatut jun 'ix 'ajmul 'ix 'ay yichmil.

Pr 9:18

Palta a eb' quelmtac winc cha, toc yojc eb' to a eb' winc 'awtxnac 'at yuj 'ix, to chamncxo eb'.

Ec 7:26

'Ay wal jun tas yel xo wal tu x'ilchj wuj 'a yib'n̈ chamel. Atn 'ix 'ix caw wal 'ay smon yejm win winc yu'uj, man̈xtzac yactj 'el 'ix win winc cha. A win winc yiclum 'a Dios, matz 'ejm win yuj 'ix, palta ax win tzb'on xon maysch'olnil, tzmonchj win yuj 'ix.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.