Pr 7:2 - Chuj San Sebastian Bible

² Yiclj jun tzo'n̈ in checnb'il yet' in cuynb'il tic; 'icha tzotj a ya'iln sc'ul yol a sat, 'ixta tzotj eb', sec 'ay a q'uinal.

Chuj San Mateo Bible

² C'anab'ajej in checnab'il tic yed' in c'ayb'ub'al yic vach' ol ach ec'oc. Icha scutej co ya'ilan snenal yol co sat, icha chi' tzutej a ya'ilan a cachnab'il svac' tic.

Pr 7:2 Iomraidhean Croise

Salmos 119:144

A jun tzo'n̈ a paxti alb'il can oj tic, caw tojl eb'. 'Ac' jawc in nab'en, sec 'ay in tzatzil.

Salmos 17:8

'Icha wal tzyutj junc mach sya'iln sc'ul yol sat, 'ixta tzin otej. C'ub'j in 'el yet' a poder, 'icha tzyutj no caxtiln̈ smoyn yune'.

Pr 4:13

'A'ch a nab'en 'a jun cuynb'il tic, man̈ actc cani; yelc'ojlal tza b'eylb'ej, yujto a 'oj 'a'nc a q'uinal.

Pr 4:21

Man̈ ac' sat a c'ojl 'a 'a, to tza molcn wal 'a a nab'en,

Pr 4:4

Caw tzin scuy in mam cha, tzyaln 'ayn 'ixtic: Molcn jun tzo'n̈ in cuynb'il tic 'a a nab'en, yiclj jun tzo'n̈ tzwal tic sec 'oj najtxb'oc a q'uinal.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

Lv 18:5

An tzwala to tze b'eylb'ej in checnb'il yet' in ley. A mach 'oj yiclnoc, 'oj 'ajxoc sq'uinl yu'uj.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.