Pr 7:13 - Chuj San Sebastian Bible

¹³ A jun 'ix cha, yajn̈ej x'och la'njoc 'a jun quelm cha, stz'ub'n 'elt 'ix sti winac, caw may jac sq'uixwc'ojlal. Yajn̈ej 'ix yaln 'ix 'a win 'ixtic:

Chuj San Mateo Bible

¹³ A jun ix chi', ix och lac'naj ix d'a vin̈ quelem chi', ix och tz'ub'naj ix d'a sti' vin̈, maj q'uixvoclaj jab'oc ix, ix yalan ix icha tic:

Pr 7:13 Iomraidhean Croise

Gn 39:12

Yuj cha, x'och yamnjoc 'ix 'a spichl winac, xyaln 'ix 'ixtic: —Wayn̈ wet'oc, xchi 'ix. A yic xyab'n win jun cha, sto'n 'el sb'a win 'a yol sc'ab' 'ix, carela x'at winac, ax spichl winac, xcancn 'a yol sc'ab' 'ix.

Gn 39:7

'Ixta x'aj yec' tiempo, ax x'aji xya'n 'och 'ix yistzil win Potifar snab'en 'a win José cha, xyaln 'ix 'a win 'ixtic: —Comnoc tzyal a c'ojl tzach way wet'oc, xchi 'ix.

Salmos 59:3

Mamin Jehová 'ay eb' 'anma caw jelan, tzlaj in smac eb' 'aj tzin 'eq'ui yic tzin smiln cham eb' snani. Palta may in mul 'a eb', may tas tu tzin b'o'o.

Pr 21:29

A junc maysch'olnil snab'en, tzcob' sch'oxli to wach' yaji, palta ax junc wach' snab'en, caw tzya'ilj sb'a yet' swach' b'eyb'al.

Pr 9:15

tzyawtn cot 'ix eb' tojl sb'eyb'al tzb'ey 'a b'e.

Is 50:7

A Jehová Wajlil, a tzcolwj wet'oc, yuj cha, matz in chab'c'ojlej in b'a yuj tas tzin 'aj cha. Caw te'n waj 'icha junc niwquil q'ue'en, wojc wal si'mb'il to ma'oj 'el in q'uixwel.

Ez 16:33

A eb' 'ix 'ajmul 'ix, tzchaj eb' 'ix stojol, palta ax jun cha, a tztojn eb' winc tzmuln yet'oc, sec tzann̈j 'aj tzlaj cot eb', tzc'och eb' mulnc yet'oc.

Ez 2:4

An tzach in checb't 'a eb' 'anma caw pit sjolom, eb' caw tzatz snab'en. Tzal 'a eb' 'ixtic: 'Ixtc wal xyutj Jehová Cajlil yaln eyu'uj, xa chi 'a eb'.

Ez 2:6

Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

Nm 25:1

A yic 'ix can cajn eb' israel 'a lum Sitim, til wal eb' winc israel 'ix muln yet' eb' 'ix moabita.

Nm 31:16

Atn eb' 'ix x'i'n 'at eb' quit chon̈b'ec 'a maysch'olnil, yuj tas 'ix yal Balaam. 'Ix 'och wal smul eb' 'a Jehová yic xya'n 'ejm sb'a eb' 'a comn dios tzcuch Baal 'aj Peor. Yuj wal cha, caw niwn eb' quit israelal smiljnac cham Jehová yet' jun yab'il.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.