Pr 6:16 - Chuj San Sebastian Bible

^16-19 'Ay uc c'aj tas matz chaj sc'ojl Jehová: Atn b'an̈quinal, 'a'j 'es, milj cham 'anma may smul, naj chan̈ paxti man̈ wach'oc, b'oj maysch'olnil 'a yajn̈ej, 'a'j 'och 'es 'a yib'n̈ junc xo mach, pitzj chan̈ owl 'a scal eb' yit 'anma'il.

Chuj San Mateo Bible

^16-19 Ay uque' tas chacb'ilel yuj Jehová d'a juneln̈ej: Aton ic'ojchan̈b'ail, esalvumal, mac'ojcham anima malaj smul, naojchaan̈ tas malaj svach'il, chucal sc'ulaji, ac'ojoch es d'a yib'an̈ junocxo mach yed' ic'ojchaan̈ oval d'a scal anima.

Pr 6:16 Iomraidhean Croise

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

Job 5:19

Til wal 'ejm 'oj a colx 'el yuj 'a tas 'ay smay, wach'xam junc yel xo caw tu', ma'oj scha jawc 'a eb'an̈.

Salmos 11:5

A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

Salmos 5:7

Palta an xo tic, yuj wal a niwn chamc'ojlal 'ayin, 'oj stac' in c'och 'a atut; 'oj wal in b'a 'aych 'a 'emmquilal 'a atut cha.

Pr 11:1

A Jehová, matz chaj sc'ojol eb' tzc'anlb'an junc 'echtab' man̈ tz'acnoc, palta ax eb' tzc'anlb'an 'echtab' tz'acan, caw tzalj yet' eb'.

Pr 11:20

Tzchacl Jehová eb' 'anma tu snab'en, ax eb' tojl sb'eyb'al, caw wal tzalj yet' eb'.

Pr 12:22

Tzchacl Jehová eb' 'a'm 'es, ax eb' matz 'ixtn yit 'anma'il, caw tzalj yet' eb'.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Pr 20:10

A 'echtab' man̈ tz'acnoc yet' ch'an̈lum to 'ec'b'al, a chab' tic, caw wal matz chaj sc'ojl Jehová.

Pr 20:23

A wal jun tzo'n̈ 'echtab' man̈ tz'acnoc, caw wal yajb'il 'el yuj Jehová.

Pr 21:4

A eb' tzb'an̈ sb'a, chan̈ yaj't sat eb' yic tz'ec' eb'; caw maysch'olnil jun nab'en cha, caw wal tu'.

Pr 3:32

Yujto matz tzchaj sc'ojl Jehová eb' maysch'olnil snab'en, palta ax eb' wach' sb'eyb'al, caw tzalj yet' eb'.

Pr 30:18

'Ay chan̈e tas tzsat in c'ojl wilni:

Pr 30:21

'Ay chan̈ macn̈ eb' 'anma matz techj sb'eyb'al cujec, axn̈ej eb' tzb'inax 'a yol qui chon̈b'ec:

Pr 30:24

'Ay chan̈ macn̈ no cotc noc' yel xo wal 'ay snab'en 'a sat lum lum tic, 'ec'b'al snab'en e no 'a yib'n̈ eb' 'anma jelan:

Pr 30:29

'Ay 'ox macn̈ no noc' caw jeln tzyutj sb'a, ax junx schan̈c'ajil, caw wal matz xiwi:

Pr 6:15

Yuj cha, caw yajn̈ej ax sjaw yailal 'a yib'n̈ eb'. Wal 'a jun mutz'satil ax slajw 'ejm eb', man̈x 'a wach' 'oj yutc sb'a eb'.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Jeremías 26:15

Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Am 2:1

A Jehová tzaln 'ixtic: A wal eb' 'aj Moab, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Sn̈usjnac eb' sb'acl eb' sreyl Edom, masnto 'ochnc tan̈il yuj eb'.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Zacarías 8:17

man̈ e nalb'oc eya'n tu nab'enal 'a eb' eyit 'anma'il, man̈ eyac' 'es 'ayx junjn ex. An Jehová in, an tzwala, to caw wal tzin yaj jun tzo'n̈ b'eyb'al cha, xchi Dios.

Dt 23:18

A q'uen tumn tzchaj eb' 'ix, mto eb' winc 'a spatquil yajmulal, man̈ e cha yac' eb' q'uen 'a junc 'aj ya'jnac eb' sti ya'n 'a Jehová Dios, yujto a jun b'eyb'al cha, caw yajb'il 'el yuj Dios.

Dt 24:4

Toto 'ixta tz'aj 'ix, man̈xtzac stac' yi'n sb'a 'ix yet' win sb'ab'l 'ichmil chi jun 'ejm xo, yujto caw man̈ wach'c jun chi 'a sat Jehová. Yuj cha, man̈ eyixtc 'el lum lum 'oj yac' Jehová qui Diosalec eyico'oc.

Dt 25:16

Yujto a Jehová qui Diosalec, matz nib'j jun tzo'n̈ 'anma to man̈ tz'acnoc yechtab' yet' jun tzo'n̈ xo tas man̈ tojloc.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.