Pr 5:23 - Chuj San Sebastian Bible

²³ Yujto matz yamch wan sb'a eb', yuj cha, ax s'atcn eb' 'a chamel; yuj sman̈ nab'enal eb', ax satcn 'el eb', xchi in mam 'ayin.

Chuj San Mateo Bible

²³ Yujto max syamoch vaan sb'a eb', yuj chi' ol b'atcan eb' d'a chamel. Yuj sman̈ pensaril eb' chi', ol satcanel eb'.

Pr 5:23 Iomraidhean Croise

Job 36:12

Palta toto ma'oj scha eb' yab'i', 'oj tzu'xoc cham eb'; may xon jac tas tzyojquej can 'el eb', ax s'atcn eb' 'a chamel.

Job 4:21

'Icha yic slan̈chj junc mantiado yic tzn̈i'chj sch'an̈il, 'ixta yaj sq'uinl eb', yajn̈ej tz'eq'ui, mantzac nachj 'el sjelnal Dios yuj eb', xchi jun pixn chi 'ayin.

Salmos 81:12

Yuj cha, xwa'n can 'at eb' 'a scal stenmtaquil, 'ix ya'n eb' sgana 'icha tznib'ej.

Salmos 94:23

Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Pr 10:21

Yuj spaxti eb' wach' snab'en, til wal eb' tzb'o snab'en yuj spaxti eb' cha; ax eb' tu snab'en, mun tzcham eb' yuj stu nab'enal.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Pr 14:14

Toto tu qui nab'enec, maysch'olnil tas 'oj qui cha spacc yuj tas tzqui b'oc cha; ax toto wach' qui nab'enec, wach' tas 'oj qui chac spacoc.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Pr 21:16

A mach tzyij can 'el sb'a 'a wach' b'eyb'al, wan s'atcn 'a scal eb' chamnac.