Pr 5:22 - Chuj San Sebastian Bible

²² A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Chuj San Mateo Bible

²² A eb' chuc, an̈eja' schucal eb' chi' ol ac'an juvoqueloc. An̈eja' schucal eb' chi' ol tzec'anoc, icha co tzec'ji d'a junoc lasu.

Pr 5:22 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:18

—Man̈oc in tzwixtj 'el jun chon̈b' tic, palta ach tzextj 'el eb' yet' smasnil eb' ecan, yujto xeyactj can schecnb'il Jehová. 'Ix laj eya'nc 'ejm e b'a 'a jun tzo'n̈ yechl Baal.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Job 18:8

'Oj 'ajxoc 'ejm ch'an̈yal 'a yol sb'e, ax scan sut'n jun yal chi 'a 'a.

Salmos 40:12

Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

Salmos 9:15

A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.

Salmos 9:17

A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.

Pr 1:18

palta ax jun tzo'n̈ 'anma 'ixta tz'el sb'on cha, mun a eb' tzyalej sb'a, mun a eb' tzmil cham pax sb'a.

Pr 11:3

Toto tojl qui b'eyb'alec, a qui tojl b'eyb'alec chi tzon̈ 'i'nec b'eyoc, palta toto tzquixtjec quit 'anma'il, mun a qui tu b'eyb'alec chi tzon̈ satnec 'eli.

Pr 11:5

Toto tojl qui nab'enec, a tzon̈ tojlb'tzanec 'och 'a jun b'e wach', palta toto tu qui nab'enec, 'oj cot 'a quib'n̈ec yuj qui tu nab'enalec cha.

Pr 11:6

Toto tojl qui b'eyb'alec, wan qui colnec qui b'a 'a tas maysch'olnil; palta toto man̈ tojloc qui b'eyb'alec, caw tzqui yalejec qui b'a yuj qui saynec 'ec' tas tzqui nib'jec 'ochi.

Pr 12:14

Junjn on̈ec tzqui chajec spac tas tzcala, tzqui chanec pax spac tas tz'el qui b'onec.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Pr 18:7

Yuj spaxti eb' may snab'en cha, tzyi'n cot eb' chaml 'a yib'an̈; yuj tas tzyal eb' cha, 'icha to tzsut'x 'och lasu 'a sjaj eb', tzjalx cham eb'.

Pr 24:12

Wach'xam tzcalec to man̈ cojcoc toto wan s'at eb' 'a chaml cha, palta a Dios tzb'eyc'ojlan tas nab'il cujec. A tzon̈ tan̈wniec, yojtac tas cajec. A 'oj 'a'nc spac 'ayn̈ junjn on̈c yuj tas tzqui b'o'ec.

Pr 26:27

A mach tzjoyn junc jul, mun a 'oj 'atcn 'a yojol; a junc tzecn 'at junc q'uen 'a yib'n̈ junc 'anma', an̈jtona', q'uen 'oj cot pax 'a yib'an̈.

Ec 7:26

'Ay wal jun tas yel xo wal tu x'ilchj wuj 'a yib'n̈ chamel. Atn 'ix 'ix caw wal 'ay smon yejm win winc yu'uj, man̈xtzac yactj 'el 'ix win winc cha. A win winc yiclum 'a Dios, matz 'ejm win yuj 'ix, palta ax win tzb'on xon maysch'olnil, tzmonchj win yuj 'ix.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Lm 1:14

'Ix yil Dios to caw x'och qui mul on̈, yuj cha, mun a qui mul chi on̈ jaln 'ejm on̈. A jun cha, caw wal 'al yaj q'ue quiln 'a quib'n̈ 'icha junc 'icatz, caw wal tz'el quip yuj on̈. Tox on̈ ya'ch Cajlil 'a yol sc'ab' eb' 'ajc'ojl yajch 'ayn̈ on̈. Caw wal man̈x 'ic stac' qui coln qui b'a 'a eb' on̈.

Abdías 1:15

'Icha wal tas x'el e b'oni, 'ixta 'oj ex yutc eb' 'anma', 'oj e cha wal spac 'a 'icha wal smoj e chani. Jab'xoj sjaw jun c'u yic 'oj in ch'oxnc yowl in c'ojl an Jehová in tic 'a yib'n̈ smasnil nacion̈.

Nm 32:23

Palta toto matz 'el'ch tas wan eyaln tic, eyojc xon wal b'i'an, to tz'och e mul 'a yojltac Jehová, 'ay jun c'ual, ax ya'n eyailal yuj e mul cha.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Jueces 20:41

Yuj cha, 'ix swach' te'wtzan sb'a eb' israel 'a yojltac eb' yic Benjamín. Ax eb' 'ajc'ojl cha, caw 'ix xiw eb' yuj tas 'ix jaw 'a yib'n̈ cha.

Jueces 9:57

An̈jtona', 'ixta xyutj Dios eb' 'aj Siquem cha, 'ix schaj eb' spac tas maysch'olnil sb'o cha. 'Ixtnta x'aj yel'ch scatb' win Jotam win yunnal can Gedeón 'a yib'n̈ eb' 'anma cha.