Pr 5:11 - Chuj San Sebastian Bible

¹¹ Ax 'oj 'ajoc, toxn̈ej 'oj o'cn 'eq'ui, jab'jnal xoj 'oj 'aj sat 'ejm a niwnal.

Chuj San Mateo Bible

¹¹ Tato tza c'anab'ajej tas syal ix, toxon̈ej ol ach oc'canec'oc, jab'jab'il ol lajvoquem a nivanil.

Pr 5:11 Iomraidhean Croise

Pr 2:19

A eb' tz'och 'a yol yatut eb' 'ix cha, man̈xtzac 'elt eb', man̈xtzac meltzj eb' jun 'ejm xo 'a jun b'e yic q'uinal.

Pr 5:10

sec man̈oc junc xo 'anma chi 'oj 'och ricoal yuj a munljel 'ix a b'o yet' smasnil ep.

Pr 5:12

Ax to cob' alnc 'ixtic: ¿Tas wal yuj in spatquilj can 'el tennb'il yet' wach' nab'enal?

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Nm 5:27

Toto x'och smul 'ix 'a yol sc'ab' yichmil, a jun a 'oj yuc' 'ix cha, c'a 'oj 'aj yol sc'ojl 'ix yuj a', 'oj malchan̈ sc'ojl 'ix, ax stz'onb' pax 'el sniwnal 'ix, ax yochcn 'ix ch'oxnb'il yic maysch'olnilal 'a scal eb' yit chon̈ab'.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.