Pr 4:17 - Chuj San Sebastian Bible

¹⁷ Caw tznib'jn̈ej eb' sb'o maysch'olnil 'a yit 'anma'il, 'icha qui nib'n wa qui b'a.

Chuj San Mateo Bible

¹⁷ A chucal yed' ixtoj anima, a juntzan̈ chi' svael eb' yaji.

Pr 4:17 Iomraidhean Croise

Salmos 14:4

Caw may snab'en eb' tzb'on maysch'olnil, atn eb' tzsatn 'el eb' wit chon̈ab'. 'Icha tz'aj junc tas tzc'uxxi, 'ixta tz'aj eb' yuj eb', matz yal pax sb'a eb' 'a Dios.

Pr 13:2

Toto wach' qui nab'enec, wach' tas 'oj qui cha spacc tas tzcalec; ax toto 'ixtm on̈c 'anma', a owl tzquijec cot 'a quib'an̈.

Pr 20:17

A jac tas wach' sc'uxx ton̈j tzyel'j junc mach, man̈x jantcoc swach'l sc'uxx tzyab'i, ax 'oj 'aj 'el'ch 'a slajub', 'icha to q'uen chi wan sc'uxn poj cha.

Pr 9:17

A wal a a ton̈j tz'el'xi, caw yel xo wal wach' yu'x a'. A jac schib'l wal c'ultac tzc'uxxi, yel xo wach' sc'uxxi, xchi 'ix 'a eb'.

Is 5:18

'Oltac wal eb' tz'i'n b'ey maysch'olnil yet' ya'm 'esal, lajn eb' 'icha junc wacx to'jnac junc careta.

Is 5:20

'Oltac wal eb' tzcob' alnoc to a tas tu', a chi tzyal eb' wach'il, ax tas wach', a chi tzyal eb' tu'al; a sacq'uinal, a chi q'uic'q'uinl 'a eb', ax q'uic'q'uinal, a chi sacq'uinl 'a eb'. A tas chi', 'icha to c'a tzyab' eb', ax tas c'a, a chi tzyal eb' chi'al.

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

Miqueas 3:5

Ax Jehová 'ix yaln 'ayn 'ixtic: A eb' in chon̈b' tic, caw 'aych eb' 'a yol jun b'e man̈ tojloc. Smulyujoc eb' tzyalch sb'a in checb'oc, tz'ixtx paxti eb' in chon̈ab'. Tzcob' yal eb' 'a eb' in chon̈b' tic, to 'ay junc'ojlal 'a eb' tz'a'n tas wach' tzc'ux eb'. Ax eb' matz 'a'n tas tzc'ux eb' cha, tzyac' eb' owl yet' eb'. Yuj cha, tzwaln yuj jun tzo'n̈ checb' chi 'ixtic:

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.