Pr 30:10 - Chuj San Sebastian Bible

¹⁰ Man̈ calc tu paxti'al 'a spatquil junc win moso 'a sat spatron̈, ax 'oj 'ajoc, 'oj on̈ scatb'tzoquec can jun moso cha, ax cab'nec syal yu'uj.

Chuj San Mateo Bible

¹⁰ Man̈ eyal chucal lolonel d'a junoc checab' d'a yichan̈ spatrón, ta maay, ex scatab'ej talaj jun checab' chi', axo ol ajoc, ol eyab' syail yuuj.

Pr 30:10 Iomraidhean Croise

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Pr 11:26

A eb' ton̈j tzmol strigo, caw tu tzyal eb' 'anma 'a eb'; ax eb' tzchon̈n 'ixim, caw tzalx eb' wach'il.

Pr 28:27

A mach tzcolwj 'a eb' meb'a', ma'oj yil meb'a'il; ax mach matz colwj 'a eb', til wal eb' 'oj alnc tu 'a spatquil jun cha.

Ec 7:21

Man̈ qui chac cab' smasnil tas tzalxi, sec toto tu 'oj yal eb' qui checb' 'ayn̈ec, man̈ yac 'oj cab'ec,

Dn 6:13

Xlajw cha, syamn 'och eb' yaln 'ixtc 'a win rey cha: —A win Daniel, win yamchjnac can cot 'a Judá, caw matz yiclj win tas tzal mamin rey. May yel'ch jun ley tic 'a sat. 'Ix quila 'ox 'ejm tzleslwi win 'a junjn c'u, xchi eb'.

Dn 6:24

Xlajw cha, xya'n win rey chi 'ijxoc cot eb' x'a'n queja win Daniel cha. Xya'n win julxoc 'ejm eb' yet' yistzil, yet' yunnal 'a yol yet'l e no león cha. Mantzac xon 'emch eb' 'a yich jun xab' cha, 'ix q'uet chelnjoc e no stoc' 'ejm eb', schin e no eb', cojxn sb'acl eb' xcani.

Ro 14:4

Q'uinloc 'ay junc mach tzmunlj 'a junc spatron̈. ¿Tom 'ay calnec quic qui b'eyc'ojlan jun cha? Cojxn jun spatron̈ chi 'ay yaln yic yalni, toto wach' 'a sat, mto ma'ay. An̈jtona', 'ixta on̈c 'a Cajlil. Palta wach' 'oj cajc 'a sat, yujto 'ay spoder yoch quet'ec, sec caw wach' tzcutjec qui b'a.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Dt 23:15

Toto 'ay junc smeb'a junc win patron̈ tz'at 'elc 'a 'a, tzlajw cha, tzc'och 'ayex, tzc'ann can sb'a eyet'oc, man̈ eyac' meltzjoc 'a spatron̈ cha.

A Ch'an̈ B'ab'el Libro Samuel 24:9

'Ix yaln David chi 'ixtic: —Mamin rey, ¿tas yuj tza chaj ab' 'a eb' 'anma tzalni to maysch'olnil tas tzwij cot 'a eb'an̈?

A Ch'an̈ B'ab'el Libro Samuel 26:19

Tzin tew 'aych ach wajlil, to tza chaj ab' tas 'oj wal an a checb' in tic: Toto a Jehová ach 'a'n 'och 'ajc'ojlal 'ayin, comnoc tz'el 'a sc'ojl schan junc ofrenda; palta toto yicn̈ej 'anma jun tic, ya' cab' Jehová scatb' 'a yib'an̈. Yujto in spechl eb' 'a lum lum to yic Jehová yaji, 'icha to tzin spechcn 'at eb' wac' servil jun tzo'n̈ comn dios.

A Ch'an̈ B'ab'el Libro Samuel 30:15

—¿Tztac' am tzon̈ ej 'at 'a 'aj 'ay eb' 'elc'm cha? xchi David. 'Ix ta'w win 'aj Egipto chi 'a David 'ixtic: —Tzex wij 'ati, toto tzeyac' e ti 'a yojltac Dios, to matz in e mil chamoc, matz in eya'ch 'a yol sc'ab' win in patron̈ cha, xchi.