Pr 3:5 - Chuj San Sebastian Bible

⁵ Yet' wal smasnil a c'ojol, tza'n 'och a nab'en 'a Jehová, man̈ a'ch a jelnal yipc a c'ojol.

Chuj San Mateo Bible

⁵ Ac'n̈ejoch a pensar d'a Jehová, man̈ ac'och a jelanil yipoc a c'ool.

Pr 3:5 Iomraidhean Croise

Esdras 8:23

Yuj wal cha, on̈ 'och 'a c'ajb'c'ojlal, xqui c'ann 'a Dios to tzon̈ stan̈wj 'a yol b'e, 'ix yab'n pax qui lesl chi 'on̈.

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Salmos 37:5

Ca'c 'ab'enal qui b'a 'a yol sc'ab', tzca'nec 'och wal yipc qui c'ojol, sec 'oj 'och quet'ec.

Salmos 37:7

Sictac tzon̈ 'ajc 'a yojltac Jehová; tzqui tan̈wniec scolwj quet'ec. Man̈ ca'c somchjoc qui nab'enec yuj eb' tzq'ue'ch yuj tas maysch'olnil tzb'o'o.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Pr 22:19

A ticnec, tzwa'cn eyojcoc 'eli, sec tzeya'ch e c'ojl 'a Jehová.

Pr 23:4

Man̈ eyac' 'ip eyoch ricoal, man̈ ex 'och 'il yuj jun tzo'n̈ cha,

Pr 28:26

A junc may snab'en, a cob' jac tas yojtac a chi tzya'ch yipc sc'ojol; palta ax junc 'ay snab'en, tzc'anb'j snab'en 'a eb' jelan, a jun cha, wach' 'oj 'el'choc.

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Jeremías 10:23

Mamin Jehová, wojc wal si'mb'il, to an̈ 'anman̈ tic on̈, man̈oc 'a yol qui c'ab' 'aych yuj tas tzon̈ 'aj 'el'ch on̈. May wal jac copiso 'a yib'n̈ tas 'oj jawc 'a cojltac on̈.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Nm 9:20

Ax toto jayen̈ej c'u tz'och wan jun 'asn cha, jayen̈ej pax c'u tz'och wan eb', tzyamn pax 'och eb' sb'eyxi, a tzyal wal tzyutj Jehová sch'oxn 'a eb'.

Nm 9:22

Toto tz'och wan jun 'asn chi 'a yib'n̈ scajnub' Dios chab'oc c'u, mto junc 'ujal, mto junc ab'il, 'ixta pax tz'och wan eb' israel cha, matz b'ey eb'. Palta toto tzb'eyx jun 'asn cha, an̈jtona tzyamn 'och eb' 'anma chi sb'eyxi.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

Ef 1:12

An̈ tic on̈, qui b'ab'l 'a'jnac 'och Cristo yipc qui c'ojl on̈. Yuj cha, x'el 'a sc'ojl Dios to cuj on̈, tzalx wach' paxti 'a 'a, chajtlto caw niwn swach'il.