Pr 3:3 - Chuj San Sebastian Bible

³ Man̈ actc can a b'eylb'an chamc'ojlal yet' yiclumal, molcn wal 'a a nab'en, man̈ ac' sat a c'ojl 'a 'a.

Chuj San Mateo Bible

³ Man̈ actejcan a b'eyb'alan vach'il, tza c'anab'ajejn̈ej tas ix ala'. Cham val a naani, satta a c'ool d'ay.

Pr 3:3 Iomraidhean Croise

A Ch'an̈ Schab'l Libro Samuel 15:20

'Ewt pax ach jawi, ¿tom tztac' waln 'ayach to tzach 'at mu'c quet' on̈? Yujto an tic, man̈ wojcoc 'aj 'oj in c'ochi. Tztac' a meltzji, tze'n meltzjoc eb' et chon̈b' tic et'oc. Ya' cab' Jehová swach'c'ojlal 'a eb'an̈, 'och cab' et' 'a smasnil tiempo, xchi win rey cha.

Salmos 119:11

Tzin mol a paxti 'a in nab'en, sec matz 'och in mul 'ayach.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Salmos 85:10

'Oj sch'ox Dios schamc'ojlal 'a scal eb' schon̈ab', ax yoch eb' yiclumal 'a 'a. A eb' 'anma tojl sb'eyb'al, 'oj scha eb' sjunc'ojlal Dios.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 34:6

'Ix 'ec' Jehová 'a yojltac Moisés, caw 'ip 'ix yutj yalni: —An ton Jehová in, Jehová in b'i. Caw wach' in nab'en, tz'o'ch in c'ojl 'a eb' 'anma', caw 'ay in niwnc'ojlal 'a yib'n̈ eb', yujto caw yel 'ay in chamc'ojlal. Tzwac' 'el'choc tas tzwala.

Pr 1:9

Yuj jun tzo'n̈ nab'en tic, ax sb'o a b'eyb'al, 'icha wal tz'aj sb'o yilx eb' 'ix 'ix yuj q'uen ton̈, mto yuj junc corona.

Pr 14:22

A eb' cojn maysch'olnil tznib'j sb'o', satnc xo eb' 'a sb'e; ax eb' to a wach' tznib'j sb'o', caw tzchaml sc'ojl eb' 'anma yet' eb', tz'o'ch pax sc'ojl eb' 'a eb'.

Pr 16:6

Toto tzqui chamc'ojlejec eb' quit 'anma'il, toto yiclum tzcutjec qui b'a, to 'ixta', tz'ajx niwnc'ojlal qui mulec; toto 'ay yel'ch Jehová 'a qui satec, yajn̈ej tzon̈ 'elc 'a scal maysch'olnil.

Pr 20:28

A junc rey tzalj sb'eylb'an tojlal, caw wal wach' yaj 'a yopiso.

Pr 6:21

Molcn 'a a nab'en, caw man̈ ac' sat a c'ojl 'a 'a.

Pr 7:3

Nab'iln̈ej cab' eb' o'oj, tza moln can wal eb' 'a a nab'en.

Jeremías 17:1

'Ix yaln pax Jehová 'ixtic: A wal e maysch'olnilal ex 'aj Judá, caw wal may tz'aj sat 'a e nab'en, yet' 'a sch'ac jun tzo'n̈ yet'l e xajmb'al, caw may tz'aj sat e mul cha. Tzcancn yechl 'a 'ayx 'icha junc letra tz'ajx can 'och 'a junc q'uen q'uen yuj junc q'uen cincel mto yuj junc q'uen diamante.

Os 4:1

Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Malaquías 2:6

Caw yeln̈j tas xyal eb', may 'aj xyamchj eb' yet' 'es paxti', wach'n̈j 'e'nc eb' wet'oc. Til wal mach 'ix spojcn 'el eb' 'a scal maysch'olnil.

Mt 23:23

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

Ef 5:9

Toto yel sacq'uinl xo yaj qui pixnec, caw wach' tzcutjec qui b'a, tojln̈ej tzcutjec qui nab'en. Cojn wal junc tas caw yel tzlaj calec.

Dt 6:8

'A'c 'och jun tzo'n̈ checnb'il tic 'a e c'ab' yet' 'a snan̈l e sat, 'icha to ch'oxnb'il tz'ajch 'ayex.

A Ch'an̈ Carta D'a Eb' Hebreo 10:16

A 'a yic 'oj lajwc jun tiempoal cha, 'ayt junx in trato 'oj wac' 'a eb'. 'Ixtc 'oj wutoc: 'Oj wa'ch jun tzo'n̈ in checnb'il 'a spixn eb'. 'Icha to 'oj in tz'ib'c can 'a snab'en eb', xchi Cajlil.