Pr 29:3 - Chuj San Sebastian Bible

³ A junc 'unnab'il wach', tzyac' tzaljoc sc'ojl smam. Ax junc to a yet' eb' 'ix 'ajmul 'ix 'aj tz'och tzac'an, caw wal tzlajw 'ejm stumin.

Chuj San Mateo Bible

³ A eb' uninab'il aj pensar, syac' tzalajb'oc sc'ool smam snun eb'. Axo pax eb' tz'ec' d'a spatic eb' ix ajmul ix jun, slajviel sb'eyumal eb' smasanil.

Pr 29:3 Iomraidhean Croise

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 15:20

A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.

Pr 21:17

Toto tzya't sb'a junc mach 'a scal tas tznib'ej, 'icha yuj 'u'l 'an̈ yet' tas wach' sc'uxxi, a jun cha, 'oj jawc meb'a'il 'a yib'an̈.

Pr 21:20

A 'a yatut mach jeln snab'en, 'ay stumin, 'ay tas tzc'uxu; palta ax junc may snab'en, c'uxn tzlaj 'ejm jac tas tz'ilchj yu'uj.

Pr 23:15

Ex wunnal, a wal yic 'oj e jelnb'i, yic 'oj wab'nc e paxtin 'a tas smoj eyalni, 'oj tzaljc in c'ojl si'mb'il eyu'uj.

Pr 27:11

Ex wunnal, jeln tzeyutj e b'a, sec 'oj tzaljoc in c'ojl eyu'uj, sec 'ay tas 'oj stac' wa'n spacc 'a eb' tzin patquiln 'eli.

Pr 28:19

A mach tzmunlj 'a slu'um, caw tzyac' sobra tas tzc'uxu; ax junc ton̈j tz'och tza'n yuj tas may yel'chi, 'oj yab' syal meb'a'il.

Pr 28:7

A junc 'unnab'il to wach' snab'en, tzyiclj smasnil sley Dios, ax pax junc pec' yec' 'ilj q'uin̈, tzyij 'el sq'uixwel smam.

Pr 6:26

A mach tzmuln yet' 'ix 'ajmul 'ix, tzcot meb'a'il 'a yib'an̈; palta ax mach tzmuln yet' 'ix 'ay yichmil, tztac' scham yuj smul cha.

Lc 15:13

Ax yic jaye nant c'u, xchon̈n can 'el win tza'n 'unn chi jantcn̈ej tas xchaj 'a smam cha, 'ix 'at win 'a junx chon̈b' 'a najat. Ax 'ix c'och win 'a jun chon̈b' cha, amancotn xyutj win slajn 'el stumn chi muc'uc, ton̈j slaj win 'a spatc jun tzo'n̈ maysch'olnil 'ix sb'o sc'och ta'.

Lc 15:30

Palta ax jun onnal tic, ton̈j scomn laj win a tumn yet' eb' 'ix 'ajmul 'ix, ax ticnec, tzjapx winac. Yuj winac xa'n milxc cham no wacx b'a'ch yajx servil, xchi win 'a smam cha.