Pr 27:8 - Chuj San Sebastian Bible

⁸ A win winc tz'actn can yatut yet' yunnal, lajn wal win 'icha junc no ch'ic tzyactj can so yet' yune'.

Chuj San Mateo Bible

⁸ A eb' syactejcan yal yuninal, lajan eb' icha junoc noc' much syactejcan so' yed' yune'.

Pr 27:8 Iomraidhean Croise

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 4:16

Xlajw xoj cha, 'ix 'el Caín 'a 'aj xpaxtin yet' Jehová, axta xc'och cajn 'a jun lugar Nod sb'i, ata 'ay 'a stojlal 'aj tzq'uel c'u 'a Edén.

A Ch'an̈ B'ab'el Libro Yic Yab'ixal Eb' Rey 11:22

—¿Tas yuj tza nib'j meltzjoc a b'a 'a a lum cha? ¿Tom 'ay tas tzyac' palta 'aych wet' 'a tic? xchi win rey cha. —May jac tas tzyac' palta 'ayin, palta tzin tew 'ayach, to tzin a chaj meltzjoc, xchi win Hadad cha. Yuj cha, 'ix schan win rey chi meltzjoc winac. Ax Hadad cha, caw 'ix 'och 'ajc'ojlal 'a rey Salomón.

A Ch'an̈ B'ab'el Libro Yic Yab'ixal Eb' Rey 19:9

Ax yic xc'och ta', 'ix 'och 'a yol jun n̈aq'ue'en, axta x'ec' jun 'ac'wl yu'uj. Ax x'aji, 'ix c'och Jehová 'a 'a, 'ix yaln 'a 'ixtic: Elías ¿tas yuj 'aych 'ec' 'a tic? xchi.

Pr 21:16

A mach tzyij can 'el sb'a 'a wach' b'eyb'al, wan s'atcn 'a scal eb' chamnac.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Pr 27:7

Q'uinloc tox ex b'ut'ji, wach'xam tz'ajx no yal chab' 'ayex, man̈x 'a swach'l no tzeyab'i; ax pax toto 'ay e wejel, toxn̈ej c'a tas tz'ajx e c'uxu', wach'n̈j tzeyab'i.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

1 Co 7:20

Yel xo wach' tzon̈ canc junjn on̈ 'icha xon cajec, yic on̈ yawtnec 'och Dios yico'oc.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

A Ch'an̈ B'ab'el Libro Samuel 22:5

Palta ax Gad win schecb' Dios, 'ix yaln win 'ixtc 'a 'a: —Man̈ ach can 'a tic a col a b'a. Palta 'ixic, ata tzach c'och 'a yol yic Judá, xchi. Xlajw cha, 'ix meltzj pax David ta, axta xc'och 'a calte 'a yol yic Haret.