Pr 27:6 - Chuj San Sebastian Bible

⁶ A mach wach' eyaj yet'oc, tzsay tas to tz'och e wach'loc. Wach'xam tzeyab' syal yuj junc cha, palta toto a junc 'ajc'ojl tz'och la'n 'ayex, tzeyil wal e b'a 'a 'a.

Chuj San Mateo Bible

⁶ A eb' vach' eyac'an yed'oc, say eb' tas vach' tz'och e vach'iloc vach'chom ya tzeyab'i. Axo eb' tz'och lac'naj d'ayex jun, tzeyil e b'a d'a eb', yujto a eb' chi', ajc'ool yajoch eb' d'ayex.

Pr 27:6 Iomraidhean Croise

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Pr 10:18

A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Pr 20:30

A mach maysch'olnil sb'eyb'al, a yailal a tz'a'n jawc snab'en. Yuj tas tzyab' syal cha, tzyactn sb'on tas tu'.

Pr 27:7

Q'uinloc tox ex b'ut'ji, wach'xam tz'ajx no yal chab' 'ayex, man̈x 'a swach'l no tzeyab'i; ax pax toto 'ay e wejel, toxn̈ej c'a tas tz'ajx e c'uxu', wach'n̈j tzeyab'i.

Pr 28:23

A yic 'oj b'ey tiempo, toto 'ay mach tzex tenn 'och wa'an, niwn cab' yel'ch jun chi 'a yib'n̈ junc tzex aln wach'il.

A Ch'an̈ Carta D'a Eb' Hebreo 12:10

A qui mamc junjn on̈ 'a yolyib'n̈q'uinl tic, tzon̈ ya'c cuenta eb' junc tiempoal 'icha tznib'j eb'. Palta ax Dios, tzon̈ ya'c cuenta, sec caw wach' quiquec, sec caw tojl tz'aj qui nab'enec 'icha snab'en.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.