Pr 26:4 - Chuj San Sebastian Bible

⁴ Man̈ ex ta'wc 'a eb' 'anma may snab'en, yic tzyaln eb' sman̈ nab'enal chi 'ayex, sec matz e b'o 'icha tas tzb'o eb' cha.

Chuj San Mateo Bible

⁴ Man̈ ex tac'voc d'a junoc malaj spensar ayic syalan sman̈ pensaril chi' d'ayex, yic vach' max e lajb'ej e b'a yed'oc.

Pr 26:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:14

A jun tzo'n̈ nab'en 'ix yal eb' quelmtac winac, a 'ix yal 'a eb' 'anma cha, 'ix yaln 'ixtc 'a eb': Toto a in mam 'al yutjnac eyicatz, an xo pax tic, yel xo caw 'al 'oj wutc eyicatz. Toto tz'um no sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a no 'oj in c'anlb'oc ax ex in ma'ni, xchi winac.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Pr 23:9

Man̈ eyal junc paxti wach' 'a eb' may snab'en, yujto ton̈j 'oj ex sb'uch eb' yuj e paxti cha.

Pr 26:5

'Icha wal spaxtin junc may snab'en cha, 'ixta tzeyutj ta'wc e b'a 'a 'a, smoj yalx 'ixta', sec 'oj yojcoc 'eli to may snab'en.

Pr 29:9

Toto a junc jeln tztej sb'a yet' junc may snab'en 'a yojltac eb' yajal, a jun may snab'en cha, tzcot yowal mto ton̈j tzb'uchwji, may tas tzb'o yu'uj.

Is 36:21

Palta ton̈j sictac xcan eb' chon̈b' chi smasnil, may junc mach 'ix ta'wi yic tzyaln junc paxti', yujto yaljnacx Ezequías, to may junc mach tzta'wi.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

San Judas 1:9

Tzqui nacc cot jun sat ángel Miguel sb'i, ya'jnac owl yet' win diablo 'a jun 'el, yic sten sb'a yet' win yuj sniwnal Moisés. A Miguel cha, wach'xam caw niwn spoder, palta ma'ix ste'wtzej sb'a sb'uchwj 'a win diablo cha. Ma'ix yal smul winac. Cojn 'ixtc xyutj yaln 'a winac: Comnoc a Dios 'oj a tumni, schin̈j 'a winac.