Pr 26:2 - Chuj San Sebastian Bible

² A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Chuj San Mateo Bible

² Tato malaj yuuj tz'alji junoc catab' lolonel, malaj b'aq'uin̈ tz'elc'ochi. Lajan icha junoc noc' tz'unun ton̈ej tz'ec' jen̈en̈oc, ma icha noc' san̈capech tz'ec' d'a satchaan̈, malaj b'aj tz'och vaan.

Pr 26:2 Iomraidhean Croise

A Ch'an̈ Schab'l Libro Samuel 16:12

Lemb'il 'oj in yil cot Jehová yet' in cusc'ojlal tic, ax 'oj 'ajoc, to 'oj yac' swach'c'ojlal 'a wib'n̈ yuj tas tzalx 'ayn tic, xchi.

A Ch'an̈ Schab'l Libro Samuel 16:8

A Jehová wan ya'n spac eb' yin̈tl Saúl milb'il cham o'oj, yic e'n can 'ec' yopiso, ach xo ach 'ochx can sjeloc. Ax ticnec, a Jehová a 'ix 'a'n can pax opiso chi 'a yol sc'ab' win onnal Absalón cha. A jun a mul chi wan ach ya'n lajwoc, yujto ma'm ach cham 'anma', xchi.

Nehemías 13:2

yujto may tas 'ix yac' eb' c'uxxoc, ma'ix yac' eb' 'u'xoc yal yuj eb' quit israelal. A yic eb' to 'ix yac' eb' tumn 'a Balaam yic tzcatb'tzax can eb' yu'uj. (Palta ax qui Diosalec, a 'ix 'a'n meltzjoc 'och jun catb' chi 'a wach' paxti'al).

Salmos 109:28

May yel'chi, wach'xam tzin scatb'tzej eb' 'ajc'ojl ya'ch 'ayin, palta ach xo tzac' a yaxilal 'a wib'an̈. Q'uixw cab' 'el eb', ya' sb'a an a checb' in tic to tzin tzalji.

Pr 27:8

A win winc tz'actn can yatut yet' yunnal, lajn wal win 'icha junc no ch'ic tzyactj can so yet' yune'.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Nm 23:8

Palta, ¿tas wal tzwutj in catb'tzan junc 'anma', toto man̈oc Dios tzcatb'tzani? ¿Tas wal tzwutj waln can 'el tu paxti'al 'a yib'an̈, toto man̈oc Jehová tzalni?

A Ch'an̈ B'ab'el Libro Samuel 17:43

'Ix yaln win 'ixtc 'a David: —¿Tom tz'in tzela, yuj cha, tzach cot yet' a te 'ayin? xchi win 'a 'a. Xlajw cha, scatb'tzan win Goliat David chi 'a sb'i jun tzo'n̈ scomn dios.