Pr 26:11 - Chuj San Sebastian Bible

¹¹ 'Icha no tz'i tzxeji, tzcha le'n pax no xej cha, 'ixta eb' may snab'en, tzcha meltzj can pax 'at eb' 'a stu nab'enal.

Chuj San Mateo Bible

¹¹ Icha noc' tz'i' slec'anxiq'ue xej, icha chi' yaj eb' malaj spensar, smeltzajxi eb' d'a sman̈ pensaril chi'.

Pr 26:11 Iomraidhean Croise

Ex 8:15

Cojn wal yic 'ix yiln win rey chajtlto man̈x 'a jun yailal cha, 'ix ya'n win pitb'oc pax 'el snab'en jun 'ejm xo, 'icha wal xyutj Jehová yalni. Ma'ix schaj win yab' tas xyal Moisés yet' Aarón.

Pr 23:35

ax eyaln 'ixtic: Caw on̈ laj sma'c eb', palta ma'ix cab'c syail. On̈ laj sma'c eb' yet' tz'u'um, palta ma'ix cab'ec. A yic x'el leyyoc te 'an̈ chi 'a qui satec, on̈ 'atc pax qui say te 'an̈ chi jun 'ejm xo, 'oj e chioc.

Pr 26:10

A junc patron̈ tzcomn 'a'n smunljel junc may snab'en, mto 'a junc ton̈j tzb'eyc' 'a scal smunljel, lajn 'icha wal junc julwjum, ton̈j tzcomn julwj 'a scal eb' 'anma'.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

Is 28:8

Smasnil mexa, b'ut'jnac 'el sat yuj xej eb', caw tu sjab'.

Mt 12:45

Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

A Schab'il Carta San Pedro 2:22

'Ay jun paxti yel, a tzaln 'ixtic: A no tz'i', tzlajw xej no', tzle'n pax no xej chi jun 'ejm xo. Yet' no chitam, tzlajwn̈ej sb'icx no', tz'atx no 'a scal b'i'ch muc'uc, tzb'alb'i'chan pax sb'a no', xchi. 'Icha e no cha, 'ixta eb' tic, yujto tzya'x 'at sb'a eb' 'a scal maysch'olnil jun 'ejm xo.