Pr 25:2 - Chuj San Sebastian Bible

² Smoj wal qui'nec chan̈ sb'i Dios yuj tas c'ultac yaj yu'uj, ax eb' rey tzcalc eb' wach'il, yujto tzcham wal sb'eyc'ojlan eb' junc tas.

Chuj San Mateo Bible

² Te nivan yelc'och Dios yuj juntzan̈ tas c'ub'eltac yaj yuuj, axo pax eb' rey jun, scal eb' vach'il yujto scham val sch'olb'itan junoc tas eb'.

Pr 25:2 Iomraidhean Croise

A Ch'an̈ Schab'l Libro Samuel 1:5

'Ix sc'anb'n pax David 'ixtc 'a win quelm 'et'jnac jun 'ab'x cha: —¿Tas xotj ojcan pax ach tic, chajtlto xcham Saúl yet' Jonatán? xchi David.

A Ch'an̈ Schab'l Libro Samuel 14:19

'Ix yaln win rey chi 'ixtc 'a 'ix: —¿Man̈oc am Joab tz'a'n al jun tzo'n̈ tic 'ayin? xchi winac. 'Ix ta'w 'ix 'a winac: —Yel tzal mamin rey. Matz ach satc' a sayn 'ec' jun tic, a tas 'ix ala, caw wal yel. Atn win a checb' Joab, a win tzwul 'a'nc wal jun tzo'n̈ tic 'ayach.

Esdras 4:15

Sayx cab' 'ilxoc 'a ch'an̈ libro yic snanb'il cot eb' a mam echam. Ata 'oj yala', ax ojcan 'eli to a jun chon̈b' cha, caw wal tenmtac. 'Ay smay 'a eb' rey, yet' 'a jun tzo'n̈ xo chon̈ab', yujto a 'a yic yaln̈taxi 'ix syamch ya'n stenmtaquil, yuj cha, 'ix lajw 'el jun chon̈b' tic.

Esdras 4:19

'Ix wa'n sayx 'ilxoc, 'ix 'ilchj toni, to a jun chon̈b' cha, caw wal tenmtac xyutj sb'a 'a eb' rey 'a yic yaln̈taxi, 'ix syam sb'a eb' ya'n tenmtacl 'a eb' rey cha.

Esdras 5:17

A ticnec mamin rey, toto wach' jun tic tzab'i, tzqui c'an 'ayach, to tzsayx 'ilxc 'a eb' ch'an̈ un̈ molb'il 'a sdespacho win rey 'a Babilonia cha, toto yel a rey Ciro tz'a'n b'o sjel yatut Dios 'a Jerusalén, tzal cot cab'i', tas tzotj a cuyn 'a yib'n̈ jun tic, xchi eb' 'a scarta cha.

Esdras 6:1

Yuj cha, xya'n win rey Darío sayxc 'ilxoc 'a 'aj tzmolx ch'an̈ un̈ to niwc yel'ch 'a Babilonia;

Job 29:16

'Icha to mamb'il waj 'a eb' 'ay tas sc'a'l tz'och yu'uj, tzin colwj pax in b'onyaj eb' chuc chon̈b'al yic 'ay tas tznib'j eb' sb'o'yaji.

Job 38:4

¿'Ajtil 'aych 'eq'ui yic xin b'on 'ejm yipnub'al yich lum lum tic? Al wab'i', tom yel xo niwn tas ojtac.

Job 40:2

Ach Job, xcob' a nib'c a te'wtzoc a b'a 'ayn an tztac' wuj smasnil tic, ¿tom 'ayt wal tas tza nib'j al 'ayin? Ta'wan̈ 'ayin, xchi Dios.

Job 42:3

Ach 'ix al 'ayn 'ixtic: ¿Machch cob'i', yuj cha, tza c'ub'n 'el in jelnal yet' a paxti may yel'chi? xa chi. An tic, a tas satjub'tac yilxi, yet' tas to matz nachj wu'uj, a chi xwala.

Pr 25:27

Man̈ wach'oc toto niwn no yal chab' tzqui tz'ub'ec, an̈jtona' man̈ wach'oc toto tzqui nib'jec to niwn tzon̈ b'inaxc yuj eb' quit 'anma'il.

Pr 25:3

'Icha wal schan̈il yajb't satcha'an̈, yet' xab'l yich lum lum tic, 'ixta wal snab'en eb' rey, may junc mach tztac' yojcan 'eli, tas yaj snab'en eb'.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Dt 29:28

Xpechx 'el eb' 'a sat slum yuj yowl sc'ojl Dios, yuj cha, xpechx can 'at eb' 'a scal jun tzo'n̈ xo nacion̈, 'icha wal tas wan yuj tic, 'oj xchic jun tz'a'n spac cha.

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.