Pr 23:9 - Chuj San Sebastian Bible

⁹ Man̈ eyal junc paxti wach' 'a eb' may snab'en, yujto ton̈j 'oj ex sb'uch eb' yuj e paxti cha.

Chuj San Mateo Bible

⁹ Man̈ eyal vach' pensaril d'a junoc chuc spensar, yujto ton̈ej ol b'uchvaj d'a e lolonel vach' chi'.

Pr 23:9 Iomraidhean Croise

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Pr 14:7

Wach' toto tzquijec 'el qui b'a 'a stz'ey eb' tu snab'en, yujto a tas tzyal eb', may jac qui jelnal 'oj qui'c 'a spatic.

Is 36:21

Palta ton̈j sictac xcan eb' chon̈b' chi smasnil, may junc mach 'ix ta'wi yic tzyaln junc paxti', yujto yaljnacx Ezequías, to may junc mach tzta'wi.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Jn 10:20

'Ay nan̈l eb' xcob' alnc 'ixtic: —¿Tas yuj tzcob' eya'ch e chicn 'a win tic? Palta 'in 'aych win demonio 'a winac. 'In to owya winac, xchi cob' eb'.

Jn 8:52

—A ticnec, caw cojc on̈, to 'aych jun demonio chi 'ayach. A win Abraham yet' jantcn̈ej eb' schecb' Dios pecti', c'uxn chamnc eb' smasnil. Ach xo tic tzal 'ixtic: Toto 'ay eb' tzyiclni tas tzwala, may b'a'n̈ 'oj cham eb', xa chi cob'i'.

Jn 9:40

'Ay jaywn̈ ewin fariseo 'ayc' ta'. Yic 'ix yab'n ewin jun cha, 'ix yaln ewin 'ixtc 'a 'a: —¿Tom tza na'a, to matz uj quiln yic Dios on̈? xchi ewinac.

A Tas Sc'ulejnac Eb' Schecab' Jesús Hechos 17:18

'Ay jun tzo'n̈ winc caw jelan, yujto tzcuy eb' sjelnal eb' tzcuch epicúreo yet' jun tzo'n̈ eb' tzcuch estoico. 'Ix syamn 'och eb' spaxtin yet' Pablo. Ax nan̈l xo eb', mun xyal eb' 'ixtic: —A win puch yec' paxtinc tic, ¿tas 'oj yal win 'ayn̈ec? xchi eb'. 'Ay jun tzo'n̈ xo eb' xaln 'ixtic: —Al qui nani, to tzwul yal win yab'xil jun tzo'n̈ chuc diosal, xchi eb'. 'Ixta xyutj eb' yalni, yujto x'ec' yal-l Pablo yab'xil Jesucristo. 'Ix yaln paxi, chajtlto 'oj pitzwc pax eb' chamnac.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.