Pr 23:15 - Chuj San Sebastian Bible

^15-16 Ex wunnal, a wal yic 'oj e jelnb'i, yic 'oj wab'nc e paxtin 'a tas smoj eyalni, 'oj tzaljc in c'ojl si'mb'il eyu'uj.

Chuj San Mateo Bible

^15-16 Ex vuninal, ayic ol eyic'an jelanil, ayic ol vab'an e lolon icha d'a smojal, ol in te tzalaj eyuuj.

Pr 23:15 Iomraidhean Croise

Pr 1:10

Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 15:20

A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.

Pr 2:1

Ach wunnal, 'a'ch jun tzo'n̈ in paxti tic 'a a c'ojol, tza moln can jun in checnb'il tic 'a a nab'en.

Pr 27:11

Ex wunnal, jeln tzeyutj e b'a, sec 'oj tzaljoc in c'ojl eyu'uj, sec 'ay tas 'oj stac' wa'n spacc 'a eb' tzin patquiln 'eli.

Pr 29:3

A junc 'unnab'il wach', tzyac' tzaljoc sc'ojl smam. Ax junc to a yet' eb' 'ix 'ajmul 'ix 'aj tz'och tzac'an, caw wal tzlajw 'ejm stumin.

Pr 4:1

Ex wunnal, chajec eyab' tas 'oj wala'; macljec eyab'i', sec wach' 'oj eyutc e b'eyb'al.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Jn 15:11

Tzwalcn jun tzo'n̈ tic 'ayex, sec wach' 'icha tzin tzalji, 'ixta pax 'oj e tzalj jun xo, sec caw tz'acn 'oj 'ajcn e tzaljc'ojlal.

Jn 21:5

'Ix yaln 'at 'a eb' 'ixtic: —Ex winac, ¿'ay am no 'ix yamchj eyu'uj? xchi 'a eb'. —Ma'ay, toxn man̈ junoc, xchi eb' 'a 'a.

1 Jn 2:1

Ex chamc'ojlb'il wu'uj, tzin tz'ib'j 'at jun tzo'n̈ tic 'ayex, sec man̈xtzac e b'o maysch'olnil. Palta toto 'ay 'aj tzqui b'oc maysch'olnil, 'ay jun tz'a'n 'och qui tic 'a qui Mam Dios, atn Jesucristo. A jun cha, caw tojl snab'en.

2 Jn 1:4

Caw wal xjaw in tzaljc'ojlal, yic xwab'ni, to 'ay eb' one wan sb'eylb'an jun cuynb'il caw yel, 'icha yaj yaln can qui Mam Dios 'ayn̈ec.