Pr 22:4 - Chuj San Sebastian Bible

⁴ Toto tzquijec 'ejm qui b'a, yet' 'ay pax yel'ch Jehová 'a qui satec, 'oj qui chac ricoal, 'oj qui b'inaxec, ax yajx najtxb'oc qui q'uinlec.

Chuj San Mateo Bible

⁴ Tato emnaquil scutej co b'a, tato ay pax yelc'och Jehová d'a co sat, squic' co b'eyumal, tzon̈ b'inaji, snajatb'i co q'uinal.

Pr 22:4 Iomraidhean Croise

Pr 19:23

A mach 'ay yel'ch Jehová 'a sat, tzchaj sq'uinl yu'uj; tzaljc'ojlal yaji, may tas 'oj yab' syail.

Pr 21:20

A 'a yatut mach jeln snab'en, 'ay stumin, 'ay tas tzc'uxu; palta ax junc may snab'en, c'uxn tzlaj 'ejm jac tas tz'ilchj yu'uj.

Pr 21:21

A mach tojl snab'en, wach' tzyutj sb'a, 'ay sq'uinal; 'oj b'inaxoc, wach' 'oj 'el'choc.

Pr 22:3

A mach 'ay snab'en, tzyil tas 'ay smay, yajn̈ej tzcoln sb'a 'a 'a; ax junc may snab'en, ton̈j tzwach' 'at 'a yojltac, masnto tz'ejm yuj yailal.

Pr 22:5

A 'a yol sb'e eb' maysch'olnil, til wal q'ui'ix yet' ch'an̈ yal 'ay 'ejmi, ax eb' tzya'ilj sb'a, ma'oj can eb' 'a jun tzo'n̈ ch'an̈ yal cha.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Pr 3:16

Toto tzqui b'eylb'ej jelnal, tznajtxb'i qui q'uinal, tzon̈ 'och ricoal, caw niwn tzon̈ 'aj 'el'ch yu'uj.

Pr 31:30

A eb' 'ix 'ix wach' yilx yet' sniwnal, 'ay 'ajtil ton̈j montnub'l yaj eb' 'ix. A swach'l yilx sat eb', yajn̈ej tzjelmj yilxi, palta a 'ix 'ix to 'ay yel'ch Jehová 'a sat, smoj wal to niwn yel'ch 'ix.

Is 33:6

'Oj ac' ste'nal eb', sjelnal eb', yet' snab'en eb'; a jun tzo'n̈ chi 'oj colnc 'el eb', ax yoch eb' yiclumal 'ayach, 'icha to 'oj 'och eb' ricoal o'oj.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Dn 4:36

A wal 'a yic jun rato cha, 'ix tojlb'i can pax in nab'en, in 'ochx can 'a wopiso xwab'i, x'ochx can in jelnal yet' in b'inab'ilal. Ax eb' in checab', yet' eb' niwc yopiso 'a in despacho, 'ix 'at eb' 'at in sayq'ui. In 'ochx can reyl jun 'ejm xo, yel xo in q'ue'ch 'a yib'n̈ 'icha 'a yic yaln̈taxi.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.