Pr 22:29 - Chuj San Sebastian Bible

²⁹ Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Chuj San Mateo Bible

²⁹ A eb' vach' syutej sb'a smunlaji, aton eb' chi' ol munlaj d'a eb' rey, man̈oclaj d'a juntzan̈ anima malaj yelc'och ol munlaj eb', yuj chi' vach' tzeyutej e munlaji.

Pr 22:29 Iomraidhean Croise

Gn 41:38

Xyaln win 'ixtc 'a ewin 'aych yajlil yet' cha: —¿Yamto 'ay 'aj tz'ilchj junc xo winc cujec, to 'aych Yespíritu Dios 'a 'a, 'icha win tic? xchi winac.

Gn 47:6

a lum slum Egipto tic, 'ayc' lum 'a yol a c'ab'. Tztac' a'n lum Gosén 'a a mam yet' 'a ewin o'tac tic. A wal lum lum caw wach' 'a yol yic Egipto tic, a cab' lum 'aj tzcan cajn ewinac. Toto 'ay eb' o'tac caw jeln 'a 'ilj noc' jun, tztac' a'n 'och ewin yilmalc no in cajb'en noc', xchi win rey cha.

A Ch'an̈ Schab'l Libro Samuel 2:32

Xlajw cha, 'ix yi'n 'at eb' sniwnal Asael, axta smuc eb' 'a 'aj mucb'il smam 'a Belén. Ax Joab yet' eb' soldado 'ix b'eyn̈j eb' 'a smasnil jun 'ac'wl cha, ax yic xq'uin̈lb'i 'eli 'ayx 'ec' eb' 'a Hebrón.

A Ch'an̈ B'ab'el Libro Yic Yab'ixal Eb' Rey 10:8

¡Caw wach' yic eb' 'anma tzmunlj 'ayach, wach' pax yic eb' a checb' 'ayc'n̈ej 'a a tz'ey yic tzyab'n eb' a jelnal!

A Ch'an̈ B'ab'el Libro Yic Yab'ixal Eb' Rey 11:28

A Jeroboam tic, caw wal 'ay yip, caw jeln paxi. A yic 'ix yiln 'och win rey chi win quelm winc tic, to caw c'asn tzyutj sb'a winac, yuj cha, xya'n 'och yajlil 'a yib'n̈ smasnil eb' munljum yin̈tl can José.

1 Cr 4:23

A jun tzo'n̈ eb' cha, tz'acm eb'. Ata 'e'nc cajn eb' 'a Netaim yet' 'a Gedera, 'ix 'a'w servil eb' 'a win rey.

Pr 10:4

A eb' matz nib'j munljoc sb'a, 'oj 'och eb' meb'a'il, ax eb' tzmunlj si'mb'il, 'oj 'och eb' ricoal.

Pr 12:24

A eb' tzmunlji, 'oj 'och schecb' eb'; ax eb' 'isaj, 'oj 'och eb' checb'al.

Pr 23:1

Toto 'ay eb' niwc winc tzex 'awtn wac yet'oc, tzcham wal e nani mach 'aj 'ayx 'ec' 'a yojltac cha.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Dn 1:19

A yic xc'och eb' 'a yojltac win rey cha, 'ix paxtin win yet' eb'. Sc'anb'n win rey chi smasnil jun tzo'n̈ jelnal, yet' 'ajnab'enal 'a eb'. 'Ix yiln winac, to a 'a scal smasnil eb' quelm cha, may junc mach 'ix 'ilchj yuj win 'icha Daniel, Ananías, Misael yet' Azarías. Lajn̈ 'ejm tz'ec' sjelnal eb' chan̈wn̈ chi 'a yib'n̈ smasnil eb' 'ay tas tztac' yu'uj, eb' tztac' snan 'el jun tzo'n̈ paxti', atn eb' 'ay 'a yol smasnil slugar win rey 'aj tzyac' yajlil. Yuj cha, 'ix 'och eb' 'a'j servil 'a winac.

Dn 1:4

'Ix yaln win rey chi 'ixtic: A eb' quelm cha, yowlal to caw wal wach' yilx eb', may tas palta 'a sniwnal eb', caw jeln cab' eb', 'ay snab'en cab' eb' si'mb'il, eb' smoj wal ya'w servil 'a in despacho an rey in tic. Yowlal tzcuyx eb' 'a qui ti an̈ 'aj Babilonia on̈ tic.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Mt 25:23

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a junx smoso cha.

Ro 12:11

Caw c'asn tzcutjec qui b'a 'a Cajlil. Man̈ 'isjoc tzcutjec qui b'a 'a 'a. Yet' smasnil qui c'ojol, tzca'nec servil Cajlil.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

A Ch'an̈ B'ab'el Libro Samuel 16:21

Ax yic xc'och David 'a yojltac Saúl, 'ix yaln Saúl chajtlto tz'ochcn David chi schecb'oc, caw xchamc'ojlax David chi yuj Saúl cha. 'Ix ya'n 'ajxoc 'och yi'malc syamc'ab' yic owal.

A Ch'an̈ B'ab'el Libro Samuel 17:31

'Ay pax jun tzo'n̈ eb' x'ab'n yaln David jun paxti cha. 'Ix 'at yalnc eb' 'a Saúl. Yuj cha, xya'n win 'awtxoc cot David cha.