Pr 21:30 - Chuj San Sebastian Bible

³⁰ Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Chuj San Mateo Bible

³⁰ Vach'chom ay mach te jelan, te aj pensar, ma tzijtum tas yojtac, palta max yal-laj scachanoch vaan tas sgana Jehová.

Pr 21:30 Iomraidhean Croise

A Ch'an̈ Schab'l Libro Samuel 11:9

Palta ax win Urías cha, ma'ix 'at win 'a yatut. Ata xway win 'a yol sti spuertail yatut win rey. Ata 'ix 'ec' 'ac'wl yuj win yet' smasnil eb' soldado tan̈wjnac win rey cha.

A Ch'an̈ B'ab'el Libro Yic Yab'ixal Eb' Rey 14:6

A yic xyab'n win Ahías sc'an̈ sc'och yoc 'ix 'a sti smac n̈a, 'ix yaln win 'ixtic: —'Ochn̈ ta ach yistzil Jeroboam. ¿Tas yuj xa jelmtej a b'a? Tox 'ix alx 'ayin chajtlto caw ya jun tzo'n̈ paxti 'oj wal 'ayach.

A Ch'an̈ Schab'il Libro Yic Yab'ixal Eb' Rey 6:12

'Ix yaln jun win schecb' chi 'a 'ixtic: —May mamin rey. Palta a Eliseo win schecb' Dios 'ayc' 'a chon̈b' Israel cha, a tzaln yab' win rey cha, yuj smasnil tas tzala, wach'xam c'ultacl tzal 'a yol atut, xchi 'a 'a.

Job 41:2

¿Tzam stac' a'n 'ec' ch'an̈ 'a yol sn̈i no', mto tztac' a'n 'och alambre 'a sti no cha?

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Ec 6:10

A tas 'ayc' ticnec, toxn tzalx xon 'a pecti'. An̈ 'anman̈ec tic, cojc xon tas cajec. Matz tac' qui tenec qui b'a yet' qui Mam Dios yujto 'ec'b'al yip 'a quib'n̈ec.

Is 14:27

Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?

Is 36:5

¿Tom tzcob' e na', to yujn̈ej paxti wach' yalxi, ax yel yip eb' in soldado jeln ya'n owal? ¿Mach wal 'aych yipc e c'ojol, yuj cha, tze nib'n tzeyac' owl wet'oc?

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Jonás 1:13

Ax eb' ch'umn barco cha, 'ix yac' eb' yip sch'umn 'at te', sec tz'el'ch eb' yet' te 'a 'aj 'ay sti lum lu'um, palta man̈xtoc stac' yuj eb', yujto caw yelc'ojlal tzowb' chan̈ a mar cha.

A Tas Sc'ulejnac Eb' Schecab' Jesús Hechos 5:38

Yuj cha, tzwal 'ayex, cactquec quixtn eb' schecb' Jesús tic, yilx eb'. A jun yic eb' tic, toto yic comn 'anma', mun 'oj satx can 'ejmi.

A Tas Sc'ulejnac Eb' Schecab' Jesús Hechos 5:39

Palta toto yic Dios, ma'oj stac' ca'nec lajwoc. 'Ay smay, toq'ue a Dios tzca'c owl yet'oc, xchi winac.

Josué 2:2

Palta 'ay eb' 'anma chi x'iln sc'och eb', yuj cha, 'ix 'at yalnc eb' 'a win sreyl chon̈b' Jericó chi 'ixtic: —'Ay wal jun tzo'n̈ ewin israel xjaw 'a yol qui chon̈b'ec tic, yic tzwul smaclnoc ewin yila' tas yilxi, xchi eb'.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.