Pr 21:3 - Chuj San Sebastian Bible

³ Toto tzqui b'eylb'ejec wach'il yet' tojlal, a jun tzo'n̈ cha, yel xo tznib'j Jehová 'a yib'n̈ xajmb'al tzca'c 'a 'a.

Chuj San Mateo Bible

³ Tato sco b'eyb'alej vach'ilal yed' tojolal, a juntzan̈ chi' ec'alto yelc'och d'a yol sat Jehová d'a yichan̈ juntzan̈ silab'.

Pr 21:3 Iomraidhean Croise

Salmos 40:7

Yuj cha, 'ix waln 'ixtc 'ayach: Waj 'a tic ach in Diosal, 'icha wal yaj stz'ib'x can wab'xil 'a Ch'an̈ U'un̈.

Salmos 50:8

Ma'oj ex in tumc yuj e xajmb'al tzeya'n̈j 'ayin, yet' pax jun tzo'n̈ xajmb'al tzeyac' tz'a 'a wojltac.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Os 6:6

A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej; tzin nib'j to tzin eyojquej 'eli, to e Diosal in 'a yib'n̈ pax jun tzo'n̈ siylab' tzeyac' tz'a'oc.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Mr 12:33

Yowlal tzqui chamc'ojlej Dios 'a smasnil qui c'ojol, 'a smasnil qui nab'en, yet' 'a smasnil quip, an̈jtona', yowlal tzqui chamc'ojlej eb' quit 'anma'il 'icha tzcutj qui ya'iln qui b'a junjn on̈. Atn chab' tic, 'ec'b'al yel'ch 'a yib'n̈ smasnil jun tzo'n̈ xajmb'al yet' jun tzo'n̈ siylab' tzn̈usx tz'ajx 'a Dios, xchi win 'a 'a.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.