Pr 21:26 - Chuj San Sebastian Bible

²⁶ 'Aychn̈ej cob' snib'n junc tas, ax mach wach' snab'en, 'elan̈ej tzyutj sb'a.

Chuj San Mateo Bible

²⁶ Junjun c'u snib'ejn̈ej juntzan̈ tastac eb', axo pax eb' tojol jun, elb'enn̈ej tastac yuj eb'.

Pr 21:26 Iomraidhean Croise

A Ch'an̈ Schab'l Libro Samuel 17:29

No yal chab', no queso yic wacax, no mantca' yet' pax no calnelu, atn jun tzo'n̈ tic xyij 'at eb' sc'ux David yet' eb' 'anma ajun yet' cha, yujto sna eb', to caw 'ay swejl eb' 'anma cha, tztacj sti eb', xc'unb' pax eb' sb'ey 'a lum cusltac lum cha.

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Salmos 37:26

A eb' cha, smasnil tiempo tz'o'chn̈ej sc'ojl eb' 'a yit 'anma'il, tzyac' eb' majnil tas 'ay 'a 'a; ax yunnal eb', 'icha to yaxilal yaj eb' 'a scal eb' yit 'anma'il.

Mt 5:42

Tzann̈j mach tzc'ann smajnc junc tas 'ayex, matz tac' ton̈j tzex 'el ch'umn 'a 'a.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.