Pr 21:11 - Chuj San Sebastian Bible

¹¹ Toto tz'ajx 'och syailal mach tzyij chan̈ sb'a, a junc mant 'a snab'en, tznachj 'el yu'uj. A pax mach jeln xon snab'en, cojn ton̈j tzalx yab'i', tzyojcan 'el muc'uc.

Chuj San Mateo Bible

¹¹ Ayic tz'ac'jioch syaelal eb' puch vinac, sc'ayb'ejcan jelanil eb' mantalaj spensar. A eb' ay spensar, ton̈ej tz'alji d'a eb', snachajel jelanil yuj eb'.

Pr 21:11 Iomraidhean Croise

Pr 1:5

A eb' 'ay snab'en yet' eb' 'ay sjelnal, smaclc cab' eb' yab'i', sec tzwach' q'uib' snab'en eb', yet' sjelnal eb'.

Pr 15:14

A mach 'ay snab'en, a jelnal tzsayq'ui, ax pax eb' may snab'en, caw wal tzalj eb' yet' sman̈ nab'enal cha.

Pr 18:1

Toto man̈ wach'c cajc yet' quit 'anma'il, cojxn wal tas tzqui nib'jec 'ochi, a chi tzqui sayc 'eq'ui, ax wach' nab'en tzcob' 'ajxc 'ayn̈ec, man̈xtzac qui chajec cab'i'.

Pr 18:15

Toto jeln on̈ec, tz'ilchj jelnal chi cujec, yujto tzca'c 'och 'a qui c'ojl qui cuyni.

Pr 19:25

A yic tz'ajx 'och yailal 'a yib'n̈ junc tzyij chan̈ sb'a, a mach mant 'a snab'en, 'oj jawc can snab'en yuj jun cha; ax junc 'ay snab'en, a yic tz'ajx cuenta, tznachj 'el can yu'uj.

Pr 9:7

Toto tzca'c cuenta eb' b'uchwjum, cojxn tu paxti'al 'oj sc'an eb' yal 'ayn̈ec. Toto tzca'c cuenta eb' maysch'olnil, ton̈j 'oj qui b'ajxec yuj eb'.

Pr 9:9

Toto tzqui cuyc eb' jelan, yel xo caw jeln 'oj 'aj 'el'ch eb'. Toto tzqui cuyc pax eb' wach' snab'en, 'oj wach' tz'acwoc snab'en eb'.

Nm 16:34

A yic xyab'n eb' chon̈b' chi yel yaw eb' 'anma cha, 'ix 'at eb' 'eloc, xyaln eb' 'ixtic: Comnoc matz on̈ sb'u'c 'ejm lum jun xo, xchi eb'.

A Tas Sc'ulejnac Eb' Schecab' Jesús Hechos 5:5

Xlajwn̈ej yab'n win Ananías jun tzo'n̈ tic, 'ix telw 'ejm lan̈njoc. 'Ix chami. Ax jantcn̈ej eb' x'ab'n speclal jun tic, caw 'ix xiw chan̈ eb'.

Dt 13:11

'Ixta wal 'oj yutc eb' quit chon̈b' tic yojcan 'el jun cha, ax xiw eb' sb'on jun tzo'n̈ tic, sec man̈ comnoc tzya'ch eb' smul 'icha jun cha.

Dt 21:21

Ax smasnil eb' winc 'a jun chon̈b' cha, tzjul cham eb' jun 'anma chi yet' q'uen q'ue'en. 'Ixta 'oj eyutc e satn 'el jun maysch'olnil chi 'ayc' 'a yol e chon̈ab'. A yic 'oj yab'nc eb' 'anma jun 'ab'x cha, 'oj xiw chan̈ eb'.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.