Pr 21:1 - Chuj San Sebastian Bible

¹ A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

Chuj San Mateo Bible

¹ A d'a yol sc'ab' Jehová, ata' ayoch spensar eb' rey, icha secojtaquil sq'uexchaj sb'e a a', icha chi' tz'aj sq'uexchaj spensar eb' rey chi' yuuj.

Pr 21:1 Iomraidhean Croise

A Ch'an̈ Schab'il Libro Yic Yab'ixal Eb' Rey 19:33

An Jehová in an tzwala, to a 'a sb'e 'aj 'ix jawi, ata 'oj meltzjoc paxi, caw ma'oj stac' xon yoch 'a yol chon̈b' tic.

Esdras 1:1

A 'a yic b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic xya'n tz'ib'xoc jun ley, xya'n alxoc 'el 'ixtc 'a smasnil yol snacion̈:

Esdras 1:2

An Ciro in tic, sreyl in Persia, an tzwal 'ixtic: A Jehová Dios 'ay yic satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Nehemías 1:11

Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

Nehemías 2:4

—¿Tas tzwutj colwjoc in b'a 'aych ticnec jun? xchi win rey. Xlajw cha, in leslwi 'a Dios 'ay yic satcha'an̈.

Nehemías 2:8

Tza'n pax junc xo carta 'a win Asaf, atn win yilmal te niwc te 'ay 'a yol a macb'en, sec wach' tzyac' win te 'ayin. 'Oj c'anxoc te 'a spuertail yatut eb' 'ayc' stan̈wc yatut Dios, yet' spuertail smuroal chon̈ab', yet' pax stel watut 'aj 'oj waji, xin chi 'a 'a. Yuj swach'c'ojlal in Diosal 'a wib'an̈, 'ix ya'n win rey smasnil jun tzo'n̈ tic 'ayin.

Ester 2:17

Yel xo wal xchamc'ojlax 'ix Ester chi yuj win rey cha. May xon junc 'ix 'aj 'ay schamc'ojlal win 'icha xyutj schamc'ojlan win 'ix Ester. Yel xo niwn swach'c'ojlal win 'a 'ix 'a yib'n̈ jun tzo'n̈ xo eb' 'ix cob'stac cha. Yuj cha, xya'n q'ue win jun corona yic reyl 'a sjolm 'ix. Xlajw cha, xya'n can 'och win 'ix reinail sjelc 'ix Vasti.

Salmos 105:25

'Ix sjeln Dios snab'en eb' 'aj lugar cha, sec tz'och eb' 'ajc'ojlal 'a eb' schon̈b' cha, 'ixta x'aj yixtx eb' schecb' Dios chi yuj eb'.

Salmos 106:46

Xa'n nachjoc 'el yuj eb' 'ajc'ojl cha, to wach' tzyutj eb' snab'en 'a yib'n̈ eb'.

Salmos 114:3

A yic xch'oxn sb'a Jehová 'a eb' israel, ax a mar 'ix 'at a 'elc yu'uj; 'ix 'och wan a Jordán sb'eyi.

Salmos 114:5

¿Tas yuj 'ix 'at a mar chi 'eloc? ¿Tas yuj 'ix 'och wan a Jordán sb'eyi?

Salmos 74:15

Ach xac' q'ueloc a a 'aj tzlaj paq'ui, yet' eb' a tzb'eyi, xa'n pax tup 'ejm a niwc a may xon 'aj tztupi.

Salmos 93:4

Ach xo tic Mamin, 'aj satchan̈ ach, 'ec'b'al a poder 'a yib'n̈ eb' a mar cha yic tzcot yowl eb' a'.

Ex 7:3

An xo 'oj wac' pitb'oc snab'en win rey cha, sec 'oj ste'wtzoc sb'a, ya' sb'a cha, til wal jun tzo'n̈ tas satjub'tac 'oj in ch'ox 'ilxoc 'a Egipto tic.

Pr 16:1

An̈ 'anman̈ec tic, 'ay calnec quic qui nanec tas tzqui b'o'o, palta a Jehová a tztac' yalni tas tz'aj 'el'chi.

Pr 16:9

An̈ 'anman̈ec tic, si'mb'il tzqui nac tas tzqui b'o'o, ax Jehová a tztac' yalni tas tzon̈ 'ajc 'el'chi.

Pr 20:24

A Jehová tzon̈ 'i'nec b'eyoc, yuj cha, man̈ cojquec tas 'oj qui chac qui b'a yet'oc.

Is 43:19

'Ay jun tas 'oj in b'o', mant 'a 'aj tzuj xoni, 'oj eyil nab'an. 'Oj in jac jun b'e 'a lum cusltac lu'um, ax wa'n b'ey yoct a a 'a sat lum tacn̈ lu'um.

Is 44:27

Tztac' waln 'a a mar to tztup chan̈ a', smasnil yoctc a a tzb'eyi, c'uxn 'oj tup cha'an̈.

Jeremías 39:12

'Ij 'at Jeremías, tza tan̈wni, man̈ extc winac, a wal smasnil tas tzc'an 'ayach, 'ac' 'a 'a, xchi win rey cha.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.

Apoc 16:4

Xlajw cha, ax jun yoxl ángel, 'ix secn 'ejm sb'al svaso 'a yib'n̈ smasnil a niwc a', yet' 'a spac'b'a'. Yuj cha, c'uxn x'och pax smasnil a a chi chic'al.