Pr 19:13 - Chuj San Sebastian Bible

¹³ A junc 'unnab'il may snab'en, caw wal tzyab' syal smam yu'uj. A 'ix 'ix own̈j 'a yichmil, lajn wal 'ix 'icha yem t'ujljoc tz'uj.

Chuj San Mateo Bible

¹³ A eb' uninab'il malaj spensar, syab' syail smam eb' yuuj. A eb' ix ix ov d'a eb' yetb'eyum, lajan eb' ix icha junoc tz'uj sd'ujd'ujani.

Pr 19:13 Iomraidhean Croise

Job 14:19

An̈jtona', 'icha tz'aj yul eb' q'uen q'uen 'a yol sb'e a', mto 'icha tz'aj yijx 'at sat lum lum yuj n̈ab', 'ixta wal tzotj a'n lajwc 'ejm tas 'aych cob' yipc qui c'ojl an̈ 'anman̈ tic on̈.

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 15:20

A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.

Pr 17:17

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

Pr 17:21

A mach tu snab'en, caw wal may stzaljc'ojlal smam yu'uj, cojn cusc'ojlal tzyij coti.

Pr 17:25

A junc 'unnab'il tu snab'en, ton̈j tzuntzj cot yowl sc'ojl smam snun, tzya'n cus sc'ojl eb'.

Pr 21:19

Yel xo wach' yic win winc to cajn sch'ocj 'a junc lugar 'aj c'ultac, 'a yib'n̈ to cajn yet' junc 'ix 'ix to yowln̈ej 'a smasnil tiempo.

Pr 21:9

Yel xo wach' yic win winc to cajn sch'ocj 'a jac pat, 'a yib'n̈ to a 'a junc niwquil n̈a 'aj cajn yet' junc 'ix 'ix to yowln̈ej 'a smasnil tiempo.

Pr 25:24

Yel xo wach' yic win winc cajn 'a junc pat, 'a yib'n̈ to cajn 'a junc niwquil n̈a yet' junc 'ix 'ix to yowln̈ej 'a smasnil tiempo.

Pr 27:15

A 'ix 'istzilab'il to owln̈ej yaji, lajn wal 'ix 'icha tz'uj t'ujlji yem 'a n̈ab'lq'uinal.