Pr 18:22 - Chuj San Sebastian Bible

²² A yic tz'och yistzil win winac, tz'ilchj tzaljc'ojlal yu'uj; tzyal 'el'chi to tzchaj swach'c'ojlal Dios.

Chuj San Mateo Bible

²² Ayic tz'och yetb'eyum eb' vin̈ vinac, tz'ilchaj vach'ilal yuj eb' vin̈, yujto scha svach'c'olal Jehová eb' vin̈.

Pr 18:22 Iomraidhean Croise

Gn 2:18

Xyaln pax Jehová Dios 'ixtic: Man̈ wach'oc 'ayc' win winc sch'ocoj, to 'oj in b'o junc yitb'eym win to smoj tztac' scolwj yet'oc, xchi.

Gn 24:67

Yajn̈j wal cha, 'ix yi'n 'at win Isaac 'ix Rebeca chi 'a yojl smantiado snun, atn 'ix Sara chamnac. Xlajw cha, 'ix nupn win yet' 'ix, caw wal xchamc'ojlax 'ix Rebeca chi yuj win Isaac cha. 'Ixta 'ix 'aj yec' scusc'ojlal win yuj schamlil snun.

Gn 29:28

Xchan sc'ojl win Jacob jun paxti cha. Syiclni jun seman sq'uin̈l snupnel yet' 'ix Lea cha, slajw cha, xya'n pax win Labán 'ix Raquel chi yistloc winac.

Pr 12:4

A 'ix 'ix caw wach'n̈j tas tzb'o'o, 'icha wal junc corona yaj 'ix 'a win yichmil, caw tzalj win yet' 'ix. Ax 'ix 'ix tu sb'eyb'al jun, 'icha to 'aych syab'il win yichmil 'ix chi yu'uj, masnto tzc'och yab'n win syal 'a yol sb'acl yuj 'ix.

Pr 19:14

A win winac, tzchaj win yatut mto smacl tumn 'a smam snun; palta ax 'ix 'istzilab'il wach' snab'en, a Jehová a tz'a'n 'ix.

Pr 3:4

Toto 'ixta', caw tzalj Dios et'oc, ax ach sb'inan pax eb' 'anma'.

Pr 8:35

Yujto a eb' tz'ilchj jelnal yu'uj, tz'ilchj pax sq'uinl eb' yu'uj, 'oj scha eb' swach'c'ojlal Jehová.

Ec 9:9

Yujto tzab'n jab' qui q'uinlec 'ix yac' Dios, yuj cha, junjn mach tzalj cab' yet' yistzil chamc'ojlb'il yu'uj. Atn chi tz'ajx spacc 'ayn̈ec yuj Dios yic tzcab'nec syal qui munlj 'a yolyib'n̈q'uinl tic.

Os 12:12

A Jacob, 'atnc 'eloc, axta c'ochnc 'a lum Aram. Ata 'ochnc 'ilj calnelu yuj stojloc yistzil.

1 Co 7:2

Palta 'ay smay sb'on eb' 'ajmulal. Yuj cha, yel xo wach' tz'och yistl junjn eb'. Yet' pax eb' 'ix 'ix, yel xo wach' tz'och yichmil junjn eb'.

Rt 4:10

An̈jtona', testigo tzex 'ajcni, to 'oj wic' 'ix Rut 'aj Moab wistloc, 'ix chamnc yichmil, 'ix yistzil can win Mahlón, sec to an̈j 'ijnoc 'oj b'inaxc sb'inax sb'i 'a slu'um, yic 'oj b'ey tiempo sec wach' ma'oj sat 'ejm sb'i 'a scal eb' yican, yet' 'a yol schon̈ab'. A ticnec, testigo tzex 'ajcn 'a jun tic, xchi Booz cha.