Pr 18:16 - Chuj San Sebastian Bible

¹⁶ Yuj tas tzqui siyjec, tztac' sjacw puerta 'ayn̈ec, 'ixta tzon̈ 'ajc qui c'och 'a eb' 'anma niwc yopiso.

Chuj San Mateo Bible

¹⁶ Yuj tas co siej, yaln̈ej mach anima tzon̈ chaani, vach'chom eb' anima nivac yopisio.

Pr 18:16 Iomraidhean Croise

Gn 32:20

Tzeyaln 'ixtic: A 'a checb' Jacob, tza'n sjaw 'a qui patc on̈, xe chi 'a 'a, xchi win 'a ewin schecb' cha. Yujto sna win Jacob 'ixtic: Tecn 'oj sicb'oc 'ejm yowl sc'ojl Esaú yuj jun tzo'n̈ siylab' xwac' b'ab'ljoc wuj tic, 'ixta 'oj wutc wiln in b'a yet'oc; toto 'ixta', tecn 'oj in scha 'a tzaljc'ojlal, xchi.

Gn 33:10

Palta ax win Jacob xyac' yip yaln 'a 'ixtic: —May wu'tac, toto wach'n 'a a sat, chaj smasnil jun tzo'n̈ siylab' tic tzwac' 'ayach, yujto a yic tzach wiln tic, 'icha wal to a qui Mam Dios tzwilchi, yujto wach' in otj in a chani.

Gn 43:11

Xlajw cha, 'ix yaln win mamb'il chi 'ixtic: —Man̈x 'a wach' cutni, b'o cab' 'icha tzeyal cha, 'ixquec. 'Ijec 'at jac siylab' 'a winac, jun tzo'n̈ caw wach', caw chan̈ stojol, a tzeyij 'at 'a, atn bálsamo, no yal chab', perjuma, mirra, nueces, yet' te almendra.

A Ch'an̈ Schab'il Libro Yic Yab'ixal Eb' Rey 5:5

'Ix yaln win rey chi 'a win 'ixtic: —Caw wach', 'ixc 'an, 'oj wa't junc carta 'a win sreyl chon̈b' Israel cha, xchi win rey cha. —Xlajw cha, 'ix 'at Naamán, 'ix yi'n 'at 30 mil q'uen tumn plata, waque mil q'uen tumn nab'a oro, yet' lajn̈e mojn pichul.

Pr 17:8

A mach tzb'eylb'an ya'n tumn 'a c'ultaquil, a 'a snab'en to wach' tz'aj 'el'chi, yujto tzann̈j 'aj tz'eq'ui, tzb'on̈j 'icha tas tznib'ej.

Pr 18:17

A eb' tzb'ab'l alj sb'a 'a eb' yajal, 'icha to tztac' scoln sb'a eb' snani; palta ax yic tzc'och jun 'ay yowl chi yet' eb' cha, tzcheclj 'eli tas yilx jun yowl eb' cha.

Pr 19:6

A eb' 'ela tzyutj sb'a, til wal mach tzsayn 'ec' eb', yuj yoch eb' swach'c'ojloc eb'.

Pr 21:14

A siylab' c'ultac tz'ajxi, a tz'a'n tup c'a'lc'ojlal.

A Ch'an̈ B'ab'el Libro Samuel 16:20

Yuj cha, xya'n 'at Isaí win yunnal chi 'a Saúl, atn win David. 'Ix ya'n 'at pax jun no b'uru yet'oc, scuchn no jun 'ictzal 'ixm pan, yet' jun tz'um 'aj 'ay 'ejm yal uva, yet' jun no yune chiwo.

A Ch'an̈ B'ab'el Libro Samuel 25:27

Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.