Pr 18:14 - Chuj San Sebastian Bible

¹⁴ Toto 'ayn̈ec 'och 'a qui yailal, tzca'c techjoc qui yailal cha, tzyal 'el'chi to te'n qui nab'enec; ax toto man̈x te'noc yaj qui nab'enec cha, man̈xtzac techj cujec.

Chuj San Mateo Bible

¹⁴ Tato tec'an spixan junoc penaay, stechaj syaelal chi' yuuj. Axo pax junoc man̈ tec'anoc spixan jun, maxtzac techajlaj yuuj.

Pr 18:14 Iomraidhean Croise

Job 6:4

Yujto a Dios tztac' yuj smasnil, 'icha to 'ix 'och sjul-lab' 'a in niwnal. A jun sjul-lab' cha, caw 'ay svenenoal sti', yuj cha, caw wal tzyab' in niwnal syail. A Dios 'ix yoych wal tas 'ay smay 'ayin.

Salmos 109:22

Caw wal 'oltac in, tzcus in c'ojol, caw wal man̈x in 'anmac tzwab'i.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 55:3

Caw tzin 'ib'x chan̈ yuj sjaj eb' 'ajc'ojl yajch 'ayin, tz'el yaw eb' yet' smaysch'olnilal. 'Ix ya'ch eb' yailal 'a wib'an̈. Tzin spechn b'eyc'oc eb' yet' yowl sc'ojol.

Salmos 55:5

'Ix jaw jun niwquil xiwc'ojlal 'ayin, caw tzin 'ib'x chan̈ yuj xiwlal.

Ex 6:9

A smasnil tas 'ix yal Jehová, a 'ix yal Moisés 'a eb' yit israelal, palta matz chaj eb' yab'i', yujto caw 'ay somc'ojlal eb', caw 'aych eb' 'a syal munljel.

Pr 15:13

A mach tzalji, tzewj sat, ax mach tzcusi, cusltac yilx sat cha.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 2:7

Al ticnec, yel xo wach' tzeyac' niwnc'ojlal 'a 'a. Tzeya'n pax sniwnal sc'ojol, sec wach' ma'oj somchjc 'el snab'en yuj cusc'ojlal.

Santiago 1:2

Ex wu'tac, ex wanab', a yic tzjaw jun tzo'n̈ tzann̈j prowalil 'ayex, caw tzaljan̈c si'mb'il.

A Sb'ab'el Carta San Pedro 1:6

Yuj cha, caw niwn qui tzaljc'ojlalec. Wach'xam tzcab'c syal jun tzo'n̈ prowal junc tiempoal, palta caw tzon̈ tzaljec.