Pr 18:10 - Chuj San Sebastian Bible

¹⁰ A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Chuj San Mateo Bible

¹⁰ A Jehová lajan icha junoc cuartel te vach', a d'ay sc'och eb' tojol spensar scol sb'a.

Pr 18:10 Iomraidhean Croise

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 32:11

Tzin tew 'ayach, coln 'el 'a yol sc'ab' ni wu'tac Esaú. Caw wal tzin xiwi, toq'ue tzjaw ni wul smil cham eb' 'ix 'ix yet' eb' yune tic.

A Ch'an̈ Schab'l Libro Samuel 22:2

'Ix yaln 'ixtic: Mamin Jehová, 'icha to in n̈aq'uen aji, 'icha to in cuartel aji, in colmal ach.

A Ch'an̈ Schab'l Libro Samuel 22:3

Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.

A Ch'an̈ Schab'l Libro Samuel 22:51

O'oj, tzwa'n ganar niwc owl an reyn tic, to sic'b'iln 'el o'oj. Yuj a chamc'ojlal, tzach 'och wet' an David in tic, yet' eb' win̈tl 'a smasnil tiempo, xchi David.

Salmos 144:2

In wach'c'ojl yaji, a 'aych wen̈loc, a 'aych wipoc, a colwjum yaj 'ayin; a tzin c'ub'n 'eli, a tzwa'ch yipc in c'ojol. A pax tz'a'n 'och jun tzo'n̈ chon̈b' 'a yaln̈ in checnb'il.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Salmos 20:2

A 'a scajnub' 'a Sión, ata cab' tzya' cot scolwal 'ayach,

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

Salmos 91:2

tztac' yaln eb' 'ixtc 'a 'a: Atn wal 'aych wach' qui coln qui b'a, a 'aych wach' qui c'ub'n 'el qui b'a, qui Diosal ach, 'aych 'och yipc qui c'ojol, xchi cab' eb'.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Pr 14:26

Toto 'ay yel'ch Jehová 'a qui satec, caw te'n cajc tzyal cha, to 'ixta', 'oj stac' pax scoln sb'a eb' cunnalec.

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

A Ch'an̈ B'ab'el Libro Samuel 17:45

'Ix ta'w David 'a win 'ixtic: —Ach tic, tzach cot 'ayn yet' espada, yet' a lanza yet' pax a cotc lanza, yic tzwul a'nc owl wet'oc, palta an xo tic, tzin 'at wac' owl et' 'a sb'i Jehová jun tzta'n̈j yuj smasnil, atn jun qui Diosal an̈ soldado Israel on̈ tic on̈, atn 'aj ach b'uchwji.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.