Pr 17:4 - Chuj San Sebastian Bible

⁴ A eb' tu snab'en, tzchaj sc'ojl eb' tu paxti'al. Ax eb' 'a'm 'es, tzchaj sc'ojl eb' alj peclal.

Chuj San Mateo Bible

⁴ A eb' chuc sb'eyb'al, scha juntzan̈ chucal lolonel eb'. A eb' esalvum, scha juntzan̈ esal lolonel eb'.

Pr 17:4 Iomraidhean Croise

Job 16:11

A Dios, a in 'a'n 'och 'a yol sc'ab' eb' 'anma tu snab'en, caw wal 'a'm 'es eb'.

Pr 14:15

Toto may qui nab'enec, ton̈j tzqui chajec cab' smasnil tas tzalx 'ayn̈ec; ax toto 'ay qui nab'enec, tzcham wal qui nanec 'aj wan qui 'atec.

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

1 Jn 4:5

A eb' cha, yicn̈ej yolyib'n̈q'uinl tic yaj eb'. Yuj cha, cojn jun tzo'n̈ yic yolyib'n̈q'uinl tic tzyal eb'. Ax eb' 'anma', caw tzya'ch eb' schicn 'a eb', yujto yicto pax yolyib'n̈q'uinl tic yaj eb' yet' eb'.