Pr 17:2 - Chuj San Sebastian Bible

² A junc checb' 'ay snab'en, 'ec'b'al yopiso 'a junc yunnal spatron̈ to may tz'ochi, 'ay pax yaln yic jun checb' chi yi'n smacl 'a tas 'ay 'a spatron̈ cha.

Chuj San Mateo Bible

² A eb' checab' ay spensar, ec'b'al yopisio eb' yuj spatrón d'a yichan̈ junoc yuninal malaj tz'ochi, ay yalan yic eb' schaan smacb'en yed' eb' uninab'il chi'.

Pr 17:2 Iomraidhean Croise

Pr 10:5

A eb' 'ay snab'en, caw tzmolb'tzej eb' sat yawb'en 'a yic stiempoal, ax eb' cojn wayn̈ tzb'o 'a yic stiempoal smolb'tzax sat 'awb'en cha, caw tzyac' eb' sq'uixwloc smam.

Pr 11:29

A eb' tu tzyutj sb'a 'a smam snun, mto 'a eb' yu'tac, man̈x 'a tas 'oj can 'a eb'. A eb' may snab'en, 'oj 'och eb' schecb'oc eb' jeln snab'en.

Pr 14:35

A eb' checb' caw 'ay snab'en, caw tzalj win rey yet' eb', ax eb' checb' to tz'i'n 'el sq'uixwel winac, caw tzcot yowl win 'a eb'.

Pr 17:1

Yel xo wach' junc'ojlal cajec, wach'xam to tacn̈ wal tzqui wajec, 'a yib'n̈ to q'uin̈ 'aych 'a catutec 'a junjn c'u, palta owln̈ej pax cajc 'a catutec cha.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Pr 19:26

A mach tzyel'j tas 'a mam, tzpechn 'el pax snun, a jun tzb'o cha, caw wal q'uixweltac.

Pr 29:15

A mach tzyab' syail yic tz'ajx cuenta, 'oj jawc snab'en, ax junc 'unnab'il matz 'ajx cuenta, tzyac' sq'uixwloc snun.

Ec 4:13

Yel xo wach' yic junc win quelm to meb'a to 'ay snab'en, 'a yib'n̈ pax junc win rey 'ichm xo to may snab'en, man̈xtzac schaj yab' junc nab'en.