Pr 16:24 - Chuj San Sebastian Bible

²⁴ A paxti wach', lajn wal 'icha no yal chab', tzon̈ tzaljec chan̈ yu'uj, tz'och pax quipc yuj tzcab'i.

Chuj San Mateo Bible

²⁴ A lolonel vach', lajan icha schi'al noc' yal chab', tzon̈ tzalaj yuuj, syac'an co tec'anil.

Pr 16:24 Iomraidhean Croise

Salmos 119:103

A jun tzo'n̈ a paxti tic, yel xo wal chi 'a yib'n̈ no yal chab'.

Salmos 19:10

Yel xo wal caw nib'jub'tac 'a yib'n̈ q'uen oro caw wach'. Yel xo wal caw chi' 'a yib'n̈ no yal chab' tzat 'elt 'a sc'ate'.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Pr 15:23

Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.

Pr 15:26

Matz chaj sc'ojl Jehová tas nab'il yuj eb' maysch'olnil sb'eyb'al, ax jun tzo'n̈ wach' paxti', caw tzchaj sc'ojol.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

Pr 27:9

A tas su'q'ui sjab' yet' perjuma, a chi tz'a'n qui tzaljc'ojlalec, 'ixta tzon̈ 'ajc qui tzalj yuj nab'en tzyac' junc qui wach'c'ojlec, yujto 'ay schamc'ojlal 'ayn̈ec.

Pr 3:8

Toto 'ixta', a Jehová 'oj 'a'nc a tzatzil, ax ya'n ste'nal a niwnal.

Pr 4:22

yujto a jun tzo'n̈ cuynb'il tic, a tz'a'n sq'uinl smasnil eb' tz'ilchj yu'uj.

Ec 12:10

'Ix wac' scha sb'a jun tzo'n̈ caw wal wach', yic tzin tz'ib'n can jun tzo'n̈ tas caw wal yel smoj stz'ib'xi.

Cantares 4:11

'Icha wal to a no yal chab' 'aych 'a yol a ti', a tas tz'elt 'a yol a ti cha, lajn wal 'icha lech, 'icha pax yal chab'. Ax a pichul, yel xo su'mtac sjab' 'icha te c'ute 'ay 'a Líbano.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Apoc 10:10

Xlajw cha, xin chan ch'an̈ un̈ chi 'a jun ángel cha. Xin c'uxni, caw chi x'och 'a yol in ti 'icha yalchab'. Ax 'a yol in c'ojol, caw c'a x'aji.