Pr 16:19 - Chuj San Sebastian Bible

¹⁹ Yel xo wach' 'emmquilal tzlaj cutquec qui b'a, junn̈j pax tzon̈ canc yet' eb' meb'a', 'a yib'n̈ pax to tzqui nib'jec to rico on̈c yet' eb' b'an̈quintac yeq'ui.

Chuj San Mateo Bible

¹⁹ Más vach' emnaquil scutej co b'a yed' eb' meb'a', d'a yichan̈ pax ay tas squic' yed' eb' anima ac'umtac.

Pr 16:19 Iomraidhean Croise

Salmos 138:6

Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

Salmos 34:18

La'n yaj 'a stz'ey eb' to man̈x 'anmac yaj spixn tzyab'i, tzcoln 'el eb' tzsomchj 'el snab'en yuj scusc'ojlal cha.

Ex 15:9

'Ix yaln eb' 'ajc'ojl chi 'ixtic: 'Oj cochc tza'n yuj eb' israel cha, masnto 'oj yamchjoc eb' cujec. 'Oj qui'c 'ec' smasnil tas 'ay 'a eb', ax qui pojnec 'eq'ui. 'Oj qui'cq'uet qui espada 'a yol yatut, ax qui tzu'nec cham can eb'. 'Ixta to b'i'an, ax sb'o wal qui c'ojlec, xchi eb'.

Pr 1:13

sec 'ixta 'oj cutquec qui'n can 'ec' smasnil sricoal, ax ca'nec b'ut'joc catutec yet' smasnil tas 'oj quelq'uec cha.

Pr 1:14

Cotan̈, 'ac' prowal a suerte quet' on̈, ax ca'n ec quet' 'a tas 'oj qui'c 'ec' cha, toq'ue schi eb' 'ayach.

Pr 25:7

Yel xo wach' toto a win rey tzex 'awtn 'at yet' 'aj 'ay cha, sec matz 'el e q'uixwel eyijx 'elt 'a scal eb' niwc winc cha.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Pr 3:34

A Dios tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb'.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 9:3

Mamin, ach 'ix ac' niwtjoc pax qui b'isl an̈ a chon̈b' on̈ tic on̈, 'ix a'n pax qui tzaljc'ojlal on̈. Qui masnil on̈ caw tzon̈ tzalj 'a ojltac, 'icha wal tzaljc'ojlal 'a yic tzmolx chan̈ sat 'awb'en, 'icha pax stzaljc'ojlal eb' soldado yic tzpojn 'ec' eb' tas tzlaj yi'cn 'ec' 'a owal.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Jueces 5:30

Tecnto wan spojn 'ec' win jantc tas 'ix yijcan 'ec' 'a owl cha. Wan am si'lni ewin junjnoc eb' 'ix cob'stac chi yistloc, mto chatcwan̈oc eb' 'ix 'a junjn ewinac. Am te pichl caw wach' yilx yelwnub'l xyique'ej win Sísara cha; jun am wal xyij winac, mto chab' xyij winac, am te caw wach' yaj stz'isx 'ejm yelwnub'l sat 'a schapaq'uil, am te 'oj ya'ch win 'a sjaj yujto xyac' ganar owl cha, xchi eb' 'ix.