Pr 16:16 - Chuj San Sebastian Bible

¹⁶ Yel xo wach' a jelnal tzqui sayc 'ec' 'a yib'n̈ to tzqui sayc 'ec' q'uen oro. Yel xo pax wach' to a wach' nab'enal tzqui sayc 'eq'ui, 'a yib'n̈ to tzqui sayc 'ec' q'uen plata.

Chuj San Mateo Bible

¹⁶ Te vach' quico' tato a jelanil yed' aj pensaril tz'ilchaj cuuj, d'a yichan̈ q'uen oro yed' q'uen plata.

Pr 16:16 Iomraidhean Croise

Salmos 119:127

An xo tic, yel xo wal tzin chamc'ojlej jun tzo'n̈ a checnb'il tic 'a yib'n̈ q'uen oro caw wach'.

Pr 2:4

'Ac' a tiempo a sayn 'ec' jelnal, 'icha tz'aj sayx 'ec' q'uen plata, mto junc ricoal to c'ub'b'il 'eli.

Pr 3:13

Caw tzaljc'ojlal yic junc mach tzyij sjelnal, tzq'uib' pax snab'en.

Pr 3:14

Yujto yel xo caw wach' jun chi 'a yib'n̈ q'uen plata, 'ec'b'alto swach'l 'a yib'n̈ q'uen oro.

Pr 4:5

'Ij a jelnal yet' a wach' nab'enal, man̈ ac' sat a c'ojl 'a jun tzo'n̈ in cuynb'il tic. Man̈ actc a b'eylb'ani, to 'ixta', may tas 'oj e'ni. Tzaljan̈ yet' jelnal, man̈ a patquilc can 'eli, yu'uj ax a colchj can 'eli.

Pr 4:7

'Ac' ep a sayn 'ec' jelnal, yujto 'ec'b'al yel'ch 'a yib'n̈ smasnil tas. Yet' smasnil a c'ojol, tza'n 'och a nab'en 'a 'a.

Pr 8:19

A jelnal, yel xo wal wach' 'a yib'n̈ q'uen oro yet' q'uen plata to wach' yaj sb'o'i.

Ec 7:12

A jelnal cha, tzcolwj 'ayn̈ec 'icha scolwj q'uen tumin, palta yel xo wal wach' jun jelnal cha, yujto tzon̈ yijec b'ey 'a junc'ojlal.

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Lc 12:21

'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.