Pr 14:8 - Chuj San Sebastian Bible

⁸ A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.

Chuj San Mateo Bible

⁸ A eb' ay spensar, sna val eb' sic'lab'il tas sc'ulej. Axo pax eb' malaj spensar jun, syac' musansatil sb'a eb'.

Pr 14:8 Iomraidhean Croise

Salmos 111:10

Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.

Salmos 119:5

Comnoc wal te'n tzwutj in b'a, sec wach' tzwutj in yiclni a checnb'il tic.

Salmos 119:73

Mamin Jehová, ach ton wal b'ojnaquin, yuj cha, 'ac' nachjoc 'el wu'uj, tas wal tzwutj in cuyn a checnb'il.

Salmos 143:8

'A junjn sq'uin̈b'ial tza'n wojcoc 'el a chamc'ojlal, yujto ach tzach wa'ch yipc in c'ojol. 'Ac' wojcoc 'eli tas wal smoj in b'oni, yujto a 'aych wan waln in b'a.

Pr 11:18

Toto maysch'olnil tz'el sb'on junc mach, 'oj scha spac, atn tas man̈ nib'b'ilc yu'uj; ax toto wach' tas tzb'o'o, a wal tas yel xo wach', a chi 'oj scha spacoc.

Pr 12:5

A eb' 'anma wach' snab'en, cojn tas wach' an̈j chi tzna eb'; palta matz ca'c 'och yipc qui c'ojl snab'en eb' tu snab'en.

Pr 15:21

Toto may qui nab'enec, caw tzca'c tzaljb'oc qui c'ojlec yet' qui man̈ nab'enal cha; ax toto 'ay qui nab'enec, caw tzqui ya'iljec qui'n b'ey qui b'a.

Pr 2:9

Toto tza chaj ab' in checnb'il, 'oj a b'eylb'oc tojlal, wach'il yet' wach' b'eyb'al.

Pr 8:20

Yuj jelnal, yuj cha 'ayn̈ec 'och 'a jun b'e yic tojlal.

Ec 2:13

Ata xnachj 'el wu'uj, to a jelnal, yel xo wach' 'a yib'n̈ man̈ nab'enal, 'icha sacq'uinal, yel xo wach' 'a yib'n̈ q'uic'q'uinal.

Ec 2:16

Yujto may xon junc eb' 'oj naxc cot b'aq'uin̈, man̈oc eb' jelan, man̈oc pax eb' may snab'en. A yic tzb'ey tiempo, tz'at satc'ojlal smasnil. A eb' jelan yet' eb' may snab'en 'oj chamn̈j eb', xin chi.

Jeremías 13:20

'Ixquec q'ueln 'a stojlal norte, 'iltec wal scot eb' 'ajc'ojl ta'. ¿'Ajtil 'ay eb' in chon̈b' wa'jnac 'och 'a yol a c'ab' yic tza tan̈wni eb'? Atn eb' 'aych a b'inab'iloc, xchi Dios, xa chi 'a eb', xchi 'ayin.

1 Co 3:19

Yujto a jun jelnal yic yolyib'n̈q'uinl tic, caw may jac yel'ch 'a sat Dios. Yujto 'ixta yaj stz'ib'x can 'a Ch'an̈ U'un̈, 'a 'aj tzyal 'ixtic: A tztenn 'och wan eb' maysch'olnil snab'en cha, sec matz 'el'ch tas tznib'j eb', xchi.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

Ef 5:17

Man̈ eya'ch e b'a man̈ nab'enal, cuyc e b'a sec tznachj 'el eyu'uj, tas wal tznib'j Dios tzqui b'o'ec.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.