Pr 13:8 - Chuj San Sebastian Bible

⁸ A eb' rico, tztac' smann 'el sb'a eb' 'a yol sc'ab' eb' 'elc'm yuj sricoal; palta ax pax eb' meb'a', toc 'ay 'aj tz'el'x 'at eb'.

Chuj San Mateo Bible

⁸ A eb' b'eyum, smanxielta sb'a eb' d'a yol sc'ab' eb' elc'um yed' stumin. Axo pax eb' meb'a' jun, malaj b'aq'uin̈ tz'elc'ajb'at eb'.

Pr 13:8 Iomraidhean Croise

A Ch'an̈ Schab'il Libro Yic Yab'ixal Eb' Rey 24:14

'Ix ya'n win 'ijxoc 'at smasnil eb' cajn 'a Jerusalén, eb' 'aych yajlil, eb' soldado to caw wal jelan, eb' josmte' yet' eb' tenm q'ue'en. Lajn̈e mil eb' x'ijx 'at 'icha presoal yu'uj. Cojxn̈ej eb' meb'a xcan 'a jun nacion̈ cha.

A Ch'an̈ Schab'il Libro Yic Yab'ixal Eb' Rey 25:12

Cojxn̈ej jun tzo'n̈ eb' caw meb'a xcani, sec wach' a eb' tz'awn te uva yet' jun tzo'n̈ xo munljel.

Job 2:4

'Ix ta'w win 'ajc'ojl chi 'ixtc 'a Jehová: —A junc 'anma to man̈oc 'a sniwnal tz'och yailal, toc 'ay tas tzna'a, tzyaln̈j sc'ojl tzsat 'ejm smasnil tas 'a 'a, cojn toto tzcolchj cani, may tas tzna'a.

Ex 21:30

Toto a yajl no wacx cha, tztoj jun tzcham cha, a tzyal jantc tzc'an eb' 'aj tz'och jun chaml cha, toto 'ixta', man̈xtzac chami.

Pr 13:7

'Ay eb' may xon jac tas 'ay 'a 'a, palta 'icha xo rico tzyutj sb'a eb'; 'ay pax eb' til wal tas 'ay 'a 'a, 'icha pax meb'a tzyutj sb'a eb'.

Pr 13:9

Toto tojl qui b'eyb'alec, lajn on̈c 'icha junc luz caw tzictzni yilx yoc; ax toto may qui ch'olnilec, lajn on̈c 'icha junc cantil wan stupi.

Pr 14:24

A eb' 'ay snab'en, tz'ijx chan̈ eb' yuj sjelnal, ax eb' tu snab'en, tzpatquilx can 'el eb' yuj stu nab'enal.

Pr 6:35

Matz chaj win siylab' tzyac' mach tz'och smul cha, matz sicb' xon jac yowl sc'ojol, wach'xam caw niwn siylab' tz'ajx 'a winac.

Jeremías 39:10

Cojxn eb' caw meb'a 'ix yactj can win 'a yol yic Judá cha, atn eb' caw may jac tas 'ay 'a 'a. A yic cha, 'ix 'ajx slum eb' 'aj tzyawj yuva, yet' jun tzo'n̈ xo yawb'en eb'.

Jeremías 41:8

Palta 'ay lajn̈wan̈ eb' 'a scal eb' wan smilx cham chi 'ix aln 'ixtc 'a Ismael: —Man̈ on̈ a mil cham on̈. An̈ tic on̈ 'ay qui trigo, qui cebada, qui aceite. 'Ay pax no yalchab' 'ayn̈ on̈. A jun tzo'n̈ cha, c'ub'b'il 'el cuj 'a spatquil 'el qui chon̈b' on̈, xchi eb'. Yuj cha, ma'ix milx cham eb' yuj Ismael yet' pax yuj eb' ajun yet' cha.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Lc 12:23

A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxo qui pichlec, ¿tom ma'oj yac'a'?